Chapter 326-Linlang

"Adrian, alam ko na galit ka sa pamangkin ko ngayon dahil sa ginawa niya. Pero please, tulungan mo akong makaalis kami dito upang makalayo kay Dark. Ayaw kong masaktan ang pamangkin ko dahil walang future sa kanila ni Dark." Pagmakaawa ni Patricia sa binata.

Naikuyom ni Adrian ang kamao at halatang despirada ang babae na mailayo nito ang pamangkin. "Pag iisipan ko."

Hindi makapaniwalang napatitig si Patricia kay Adrian at hindi iyon ang inaasahan niyang isagot ng lalaki.

"Hindi ko maaring kalabanin ngayon si Dark pero pababantayan ko ang bawat galaw ng pamangkin mo ngayon."

"Wait! Sinasabi mo bang hayaan na mahulog lalo ang loob ni Dark sa pamangkin ko at hayaang masaktan ang kapatid mo?" Hindi makapaniwalang tanong niya sa binata.

"Whats wrong with you?" Iritadong tanong ni Adrian sa babae. "Kinukuwestyon mo ba ang desisyon ko?"

Kinabahan si Patricia at bakas sa mukha ng lalaki ang pakapikon sa kaniya. "Hi-hindi naman. Pero bilang babae ay ayaw kong may nasasaktan dahil sa lalaki."