Chapter 373- Farewell party

Halos pabagsak na umupo si Clara sa loob ng kotse nang makapasok na. Nanghihina siya dahil sa kaba. Natakot siya na baka matuklasang iba tao siya plus ang ginawa sa kaniya kanina ay talagang nakapanginig ng kalamnan.

"Nakahanda na ang bahay na titirhan mo at doon ka namin ihatid ngayon. Huwag ka munang magkikilos upang masigurong mabuo ang nasa tiyan mo. Sa mga follow up check up ay ganoon pa rin ang set up natin." Bilin ni Lita kay Clara.

"Paano po si Nanay? Kailangan po niya ng bantay doon." Nag aalalang tanong ni Clara.

"May binayaran na akong tao upang magbantay sa nanay mo kaya huwag mo na siyang alalahanin. Kapag stable na ang bata sa sinapupunan mo ay saka na kita payagang mabisita ang ina mo sa hospital."

"Maraming salamat po!" Kahit malungkot at hindi personal maalagaan ang ina ay panatag na ang loob niya. Iniisip na mapabuti na ang kalusugan ng ina.

"Magtago ka muna." Mabilis na utos ni Lita kay Clara.

Hindi na nagtanong pa si Clara at agad yumuko at halos mamaluktot na siy