CHAPTER 36- LONG LOST ONE

"Saan kayo pumunta ni Lovimer kagabi?" bungad na tanong sa akin ni Kenshane nang makapasok na ako sa loob ng DH.

Nagmadali naman na lumapit sa gawi namin sina Gab, Shines at Kendra. Napakamot na lang ako sa noo.

"Hindi naman kami umalis, ha?" maang-maangan ko pa.

Sinundot naman ni Gab ang tagiliran ko sabay ngisi.

"Ito naman. Huwag ng mahiya, wala tayo niyan, 'di ba? Payapa talaga ang buhay nito."

"Don't lie to us, Ate Trice. Nahagip kayo ng CCTV kagabi noong umuwi na kayo. Nasa Control Room pa kami ng mga oras na iyon ni Ate Shines eh," singit naman ni Kendra.

Naglakad ako papunta sa bakanteng mesa para iwasan sila pero ang mga haduf ay nagsisunuran pa sa akin. Para bang may magnet ako.

Muli na naman akong napakamot sa aking noo. Ang aga pa para sa chimisan na ito. Buong akala ko ay nakaligtas na kami kagabi sa mga chismosang ito.

"Kwento ka naman diyan," pang-e-echos pa na saad ni Shines. "Promise, secret lang natin."

Gusto kong mapairap. Wala akong tiwala salitang promise na