Kabanata 4.2

Pumasok kaming dalawa sa elevator at pinindot niya naman na ang floor na pupuntahan naming dalawa. Hindi na lang ako nagsalita, magsasalita lang naman siguro siya kapag may sasabihin siya sa akin. Nang makalabas kami ng elevator ay iginiya kami ng isang staff sa isang kwarto. Nang makapasok kami ay inilibot ko ang paningin ko, isa siyang restaurant pero walang katao tao maliban sa mga staff. Ano ba talagang plano niya? bakit wala man lang ibang customer sa restaurant na ito maliban sa aming dalawa.

Nang makaupo na kami ay tiningnan ko si Samuel, hindi ko na kayang manahimik na lamang lalo na at kasama ako sa mga plano niya pero hindi niya naman ako kinakausap.

“What is this? Bakit wala man lang katao tao rito maliban sa ating dalawa at sa mga staff?” kunot noo kong tanong sa kaniya.

“Don’t worry, wala namang makakakita sa atin dito bukod sa kanila. Sinabi ko naman sayong sisimulan natin ang plano pagtapos ng kasal ng fia