Kabanata 4.1

Nandito ako ngayon sa garden at mag-isa. Pumasok sa kompanya niya si Samuel, ilang araw na akong nananatili dito sa bahay niya at halos araw-araw ko ring tinitingnan ang cell phone ko at naghihintay ako kung tatawagan ba ako ng pamilya ko o kung kakamustahin at tatanungin kung nasaan na ba ako pero hanggang ngayon ay wala pa rin. Maging ang social media ko ay napakatahimik. Ang pangyayari sa kasal namin ni James ay hindi man lang naibalita sa mga media. Iba talaga ang nagagawa ng pera para mapatahimik lang ang lahat. Hanggang ngayon umaasa pa rin akong maaalala ako ng pamilya ko, pero kahit ano yatang titig ang gawin ko sa cell phone ko ay hindi nila ako tatawagan at tatanungin kung bakit hindi pa rin ako umuuwi.

Napabuntong hininga na lang ako, ganun nila kadali kalimutan ang lahat para lang sa pera. Handa silang isakripisyo ang mga anak nila para lang sa pera.

Bukas na ang kasal nila Ate Ava o dapat ko pa nga ba siyang tawaging Ate sa lahat ng nagawa niya