Kabanata 4

Pow! Pow! Pow!

Nagbitak ang hangin sa kwarto.

Malakas at puno ng determinasyon ang mga pag-atake ni Yara, nakipagpalitan siya ng higit sa isang dosenang suntok kay Frank nang wala sa oras.

Walang intensyong manakit si Frank, gayunpaman, sapat lamang ang ginagawa niya upang ipagtanggol ang kanyang sarili.

Kahit na wala siya sa peak condition niya, hinding-hindi siya matatalo ni Yara.

"Tama na, Yara," ang sabi ni Vicky mula sa kama.

Ginawa ni Yara ang sinabi sa kanya, bagama't binigyan din niya si Vicky ng isang naagrabyadong tingin. "Yung batang yun..."

"Tama na," mataray na sabi ni Vicky. "Magpakita ka naman ng respeto—nandito si Mr. Lawrence para tulungan ako."

Sa totoo lang, nagalit din si Vicky kay Frank, dahil ang ama ni Yara ang kanyang guro.

Gayunpaman, bilang tagapagmana ng legacy ng kanyang pamilya at bilang isang martial arts prodigy, dapat siyang manatiling kalmado sa lahat ng oras.

Bukod dito, nasabi niya kaagad na ang mga kakayahan ni Frank ay namumukod-tangi nang makipagpalitan siya ng suntok kay Yara, at malinaw na nagpipigil siya.

Kaya naman sinabihan niya si Yara na tumigil na—siguradong matatalo si Yara kapag ginamit ni Frank ang buong lakas niya..

Natural, hindi sinuway ni Yara si Vicky, at tahimik siyang umatras.

Lumingon si Vicky kay Frank at nagtanong, "Tutal sinabi mo ang sanhi ng aking kondisyon, Mr. Lawrence, anong paraan ng panggagamot ang iminumungkahi mo?"

Lumingon din sa kanya sina Walter at Trevor, ngunit nakita lamang nila si Frank na yumuko, hinahaplos ang kanyang baba habang nag-iisip at nakasimangot.

"Mr. Lawrence, may problema ba?" Maingat na tanong ni Trevor.

"Wala, isa lang itong simpleng kondisyon na madaling gamutin," Ang sagot ni Frank habang dahan-dahang tumingala at lumingon kay Vicky. "Hindi ko inaasahan na sobrang basura ang technique na natutunan mo. Makakalakad ka ulit, pero mawawala lahat ng progress mo... Gayunpaman, naperpekto ko na ang technique na iyon, kaya magsanay ka lang sa paraan na ituturo ko sa’yo at maaabot mo ang iyong peak form sa loob ng taong ito."

Kumuyom ang mga kamao ni Yara habang nakatitig siya kay Frank. "Kahit basura ito, wala kang laban sa technique ng angkan ko."

Maging si Trevor ay nailang—masyadong prangka si Frank! Sana man lang binigyan niya ng dignidad ang heiress ng Boltsmacker dahil nakatayo lang siya doon!

Gayunpaman, lumingon si Frank kay Yara at diretsong sinabi na, "Minsan ko lang ito ipapakita. Manood kang mabuti."

Habang iniipon niya ang kanyang Ki papunta sa kanyang dalawang kamay, ang kanyang mga damit ay nagsimulang pumagaspas nang malakas.

Boom.

Humakbang si Frank at biglang sumugod kay Yara na parang isang bala!

Ngumiti si Yara—siya ang umatake. Hindi niya siya pinilit!

Inipon niya sa kanyang palad ang Bolstmacker, agad niyang sinalubong ang pag-atake ni Frank!

"Huwag mo siyang sasaktan, Yara!" sigaw ni Walter.

"Pakiusap kontrolin mo ang sarili mo, Mr. Lawrence!" Ang sigaw ni Trevor.

Kasabay nito, nakatingin ng maigi si Vicky kay Frank, napanganga ang kanyang bibig. "’Y-Yun ba ang Boltsmacker?!"

Hindi maaaring magkamali lalo na’t mahigit isang dekada niya itong pinag-ensayuhan. Yung totoo gumamit si Frank ng isang lihim na technique ng mga Quill—ngunit kailan niya ito natutunan?!

At habang pinagmamasdan siya ni Vicky, malinaw niyang nakikita na mahigit sa isang libong beses na mas mahusay ang paggamit niya dito kaysa kay Yara!

Pow.

Sa kabilang banda, namilipit ang mukha ni Yara nang maramdaman ang sakit sa kanyang braso nang saluhin niya ang palad ni Frank.

Ito ay tulad ng isang malakas na alon na may bigat ng isang bundok, at ito ay tila walang katapusan—tumalsik si Yara at sumalpok sa pader sa likod!

Bang!

Namumula ang pisngi niya habang nagliliyab ang kanyang Ki, habang halos isuka niya ang kanyang bituka.

Dahan-dahang lumingon si Walter kay Trevor na tila nagtatanong kung ano ba talaga si Frank.

Tiyak na napansin ni Trevor ang pagkalito ni Walter, ngunit wala rin siyang ideya kung ano ang isasagot.

Gayunpaman, pinunasan niya ang pawis sa kanyang noo at bumuntong hininga, nagpapasalamat siya na nagpigil si Frank. Kung talagang nasaktan niya si Yara, tiyak na magkakaroon ng matinding sama ng loob pagkatapos!

Habang nakasandal si Yara sa dingding ng may pagkagulat at pagkalito sa kanyang mukha, nabigla siya, "K-Kailan mo ninakaw ang technique ng angkan ko?"

"Noong ginamit mo ‘yun ngayon," ang walang pakialam na sagot ni Frank.

Gulat na gulat si Vicky—isang tingin lang ang kailangan niya?

At mas napalakas niya ito sa loob ng napakaikling panahon!

Ang katalinuhan na iyon para sa martial arts ay higit na nakatataas sa kanya!

Samantala, halos mablanko ang isip ni Yara.

Inabot si Vicky ng isang taon, at inabot naman siya ng limang taon upang matutunan ang Boltsmacker, tapos natutunan ito agad ng batang ‘to?!

Nakakainis!

"Hahaha!" Biglang tumawa si Walter.

Hindi siya isang martial artist, ngunit maging siya ay nakikita kung gaano kadaling natalo ni Frank si Yara.

At nang makita niya na hindi pangkaraniwang tao si Frank, hindi na niya siya minaliit ng gaya ng ginawa niya noong unang dumating si Frank.

"Isa kang kamangha-manghang manggagamot at martial artist, Mr. Lawrence! Kita mo, Yara? Hindi mo makikilala ang isang lalaki hangga't hindi ka nakikipagpalitan ng suntok sa kanya, ngunit makakapaghintay ‘yun sa ngayon... Magagamot mo ba ang kondisyon ni Vicky ngayon, Mr. Lawrence?"

"Kailangan ko ng acupuncture needles para tanggalin ang mga bara sa ugat ni Ms. Turnbull," sagot ni Frank.

"Walang problema—mayroon kaming lahat ng klase ng medical equipment na posibleng kailanganin mo." Ngumiti si Walter at agad na sinabihan ang isang katulong na kunin ito.

Pagkatapos makuha ni Frank ang kahon, sinabi niya, "Ngayon pakiusap maghubad ka na, Ms. Turnbull."

"Ano?" Nanigas ang ekspresyon sa mukha ni Vicky sa gulat.

"T-Teka lang," agad ding nagsalita si Walter. "Bakit? Kailangan ba talaga ‘to?"

"Kailangan kong buhayin muli ang Ki ni Ms. Turnbull gamit ng apatnapu't siyam na karayom," paliwanag ni Frank. "Hindi ko ‘yun magagawa kung suot niya ang damit niya."

Kumunot ang noo ni Walter. "Wala na bang ibang paraan?"

"Pwede kong palabasin ang Ki niya, pero hindi ko ‘yun matatanggal ng suot niya ang damit niya," sagot ni Frank, habang umiiling. "Maaaring dumaloy ito pabalik sa kanyang katawan, at mawawalan ng silbi ang panggagamot ko sa kanya."

"Walter, tinutulungan ni Mr. Lawrence si Ms. Turnbull," katwiran ni Trevor. "Bilang isang manggagamot, wala siyang gagawing masama sa anak mo."

"Sige." Sumang-ayon si Walter ngunit nanatiling nagdadalawang-isip. "Pero engaged na si Vicky..."

"Tama na," ang sabi ni Vicky ng nakasimangot. "Ang panggagamot ay walang kinalaman sa mga engagement."

Ayaw na ayaw niya kapag binabanggit ng kanyang ama ang tungkol sa engagement, at nagsisikap siya upang palayain ang sarili niya mula doon. Kung may nagawa man ito, ang mga pagtatangka ng kanyang pamilya at ng kanyang ama na ituro sa kanya ang tungkol sa mga kabutihan ng isang strategic marriage ay lalo lamang nagpasama sa loob niya.

At sa ngayon, gusto niyang gumaling sa lalong madaling panahon sa halip na manatiling nakaratay o hayaan ang ibang tao na magdikta sa kanyang buhay.

"Umaasa ako sa’yo, Mr. Lawrence," sabi niya at lumingon siya kay Yara. "Tulungan mo akong maghubad."

Hindi na ipinilit pa ni Walter ang isyu, dahil alam niyang masama ang loob ni Vicky. Napabuntong-hininga siya, at tahimik niyang inakay si Trevor palabas ng silid.

Lumapit naman si Yara kay Vicky, dahan-dahang itinaas ang kanyang kumot—halos hindi naitago ng manipis na puting pajama ni Vicky ang perpektong hubog ng kanyang katawan.

Matapos siyang hubaran ni Yara at nakahiga si Vicky ng hubo't hubad sa harap ni Frank, nanlaki ang kanyang mga mata.

Hindi niya maiwasang humanga sa perpektong katawan ni Vicky, at kahit marami na siyang nakitang katawan ng babae noon, hindi niya maiwasang mapatitig sa kanya...