Chapter 52

Nagkagulo na ang lahat. Marami silang tanong at para silang natraydor sa nalaman. Buong nanonood ang nakaalam sa rebelasyon. Ang kanilang hinahangaan na pamilya ay isang peke at hindi totoo.

“Misis Del Real…”

Napasinghap ako at napaatras nang hinarangan ako ng isang reporter. Siya lang mag-isa ngunit nang nakuha ng atensyon ng iba ay nagsilapitan sila sa akin. Sa takot na baka ako’y maipit ay napaatras ako. Nagpalinga-linga ako upang mahanap ng malulusutan. Ngunit bago ko pa iyon magawa ay may isang malamig na kamay ang humawak sa braso ko at hinila ako.

Napasinghap ako at napatingala. Umusbong ang galit sa aking dibdib nang nakita ko na si Sheldon iyon. Hindi na tuluyan nakalapit sa akin ang iba pa dahil hinarangan na sila ng mga tauhan ni Sheldon.

“Bitiwan mo nga ako!” galit kong sinabi at saka pilit ihila papalayo sa kanya ang aking kamay.

“Shut up!” galit niyang sinabi pabalik na nagpagulat sa ak