Kabanata 82

Nang pumasok ang sasakyan sa malawak na lupain sa palasyo ng mga Altamirano ay naramdaman ko ang pagsinghap ni Colton. Sinulyapan ko siya at seryoso lamang ang kan'yang anyo.

At nang huminto ang kotse sa tapat ng isang malaking pintuan kung saan nakahilera ang ilan sa mga guwardiya at bantay sa palasyo ay rumehistro na ang kaba sa kan’yang mukha.

“Everything is going to be alright, love. It’s just my family, and there is nothing to worry about. And for all it’s worth, mas masungit pa si Akiro kaysa sa mga magulang ko.”

Pinisil ko pa ang kamay niya upang bigyan siya ng suporta. Pinagbukas kami ng pintuan ng isa sa mga bantay na naroon. Nauna na bumaba si Colton na buhat-buhat si Cole kasunod naman ako na karga naman si Ashira. Nakababa na rin si Nathan buhat sa nauna na sasakyan sa amin.

Nang makalabas kami ng sasakyan ay sabay-sabay na yumukod ang mga tauhan sa amin. Umakyat kami sa ilang baitang na hagdanan bago tuluyan na naabot ang pinaka pintuan ng palasyo kung saan nakatayo na