Kabanata 11

Dumiretso na si Celeste sa bahay nila. Pagkababa niya ng kotse niya ay nakilala na siya kaagad ng guard na matagal ng nagtatrabaho sa pamilya nila.

“Celeste? Ikaw ba yan?” pagkokompirma nito dahil alam ng guard na kanina pa nakauwi si Hannah.

“Kuya Migs, Kamusta?” nakangiting tanong ni Celeste. Masaya siyang kahit matagal na siyang wala sa bahay ay hindi pa rin nawawala ang mga dati pa rin nilang tauhan.

“Ikaw nga, hindi ko makakalimutan ang malaanghel mong boses.” Natutuwang saad naman ng guard at niyakap si Celeste. Namiss ni Celeste ang mga taong nakasama niya ng maraming taon. Kumalas din kaagad sa pagkakayakap ang guard at hindi makapaniwalang nakatingin kay Celeste.

“Lalo kang gumaganda ah, nagiging kamukha mo na ang mommy mo. Alam mo kahit anong pagpaparetoke ang gawin ng kapatid mo hinding hindi niya magagaya ang original.” Natawa na lang si Celeste sa sinabi ng guard nila.

“Ayaw niyo nun palagi niyo akong nakikita sa mukha ni Hannah.” Napailing naman ang guard dahil kahit mat