Kabanata 98

Excited na excited si Celeste na makita na ang mga anak nila. Nasa airport sila ngayon at hinihintay na lang ang paglabas ng mga anak nila. Kanina pa naglanding ang sinasakyan nilang eroplano kaya ano mang oras ay nandyan na ang mga anak nila.

“You’re to excited to see them huh?” ani ni Maximus dahil kagabi pa hindi mapakali ang asawa niya dahil uuwi na ang mga anak nila.

“Isang buwan ko silang hindi nakita kaya sino bang ina ang hindi magiging masaya na makita ang mga anak nila? Ngayon lang nalayo sa akin ang mga anak ko kaya syempre excited akong makita at makasama na ulit sila.” Maging sa tinig ni Celeste ay bakas ang kasiyahan sa kaniya.

Napangiti naman si Maximus, maging siya ay excited ng makita ang mga anak niya. Hindi man lang siya nagkaroon ng oras para sa mga anak niya dahil naging biglaan ang mga problema nila.

“Mommy!” malakas na sigaw na ni Luna, lumaki naman ang ngiti ni Celeste ng makita niya na ang mga anak niyang tumatakbo na papalapit sa kanila. Mabilis na ring s