Chapter 2

ZOE POV

Malaki ang Academy na to.Kahit ilang taon na akong nag-aaral dito ay si Kiara lang talaga ang kaibigan at close ko.Hindi naman sa wala akong kilala pero wala pa sa kahalati ang kilala ko.

Ngayong school year alam kong walang tataas ang section,kung sino ang sa mababang section ay sa mababa...sa matataas na section minsan may napupunta sa mababang section.

Dahil dito ako nag-aaral,alam kong iba ang tingin nila sa mga section 11.

Nakarating kami ni Kiara sa room namin na may nakasulat na section 11.

Pumasok kami at nasa pintuan palang kami makikita mo ang nagkalat na papel,maalikabok na sahig,may sapot pa ng gagamba ang nga dingding at kisami...sa likurang bahagi may kung ano anong nakakalat...mapapatanong ka nalang talaga ng '𝑅𝑜𝑜𝑚 𝑝𝑎 𝑏𝑎 𝑡𝑜?',dahil kung ako ang tatanungin...di ko alam.

Naupo kami ni Kiara sa gitna,bale tigdadalawa naman ang upuan kaya tabi na kami.May isang babaeng nakadukdok lang sa desk nya,lalaki na ang karamihan.

"Ano kayang kasalanan nung babaeng yun?" Bulong sakin ni Kiara,at nilingon ang babaeng parang natutulog.

"Tsaka nalang natin tanungin" sabi ko naman.

Di nagtagal ay pumasok na ang isang teacher at parang walang pakialam sa nakita nya.Nagdire-diretso lang sya sa desk nya at lumingon samin.

May tatlong lalaki namang huminto sa harap ng room,pumasok din naman sila...ang malala lang ay hindi sila bumati man lang sa teacher...mga bastos.

Naupo ang tatlong lalaki banda sa likuran namin.

Nasa Section 9 ako dati kaya malay ko ba kung sino tong mga asungot na to.

"Magpakilala na kayo sa harapan,pangalan lang para mabilis,dali!" Utos samin ng teacher ngunit walang sumunod sa kanya kahit isa.

Kung makapag-utos kala mo utusan kami e.

"Tsk,section 11 nga naman...walang mga galang"

Dagdag nito ng wala pa ring tumatayo samin para magpakilala.

"E sir,hindi ba't ikaw muna ang magpakilala dahil ikaw naman po ang nakatatanda?" Magalang na tanong ko,subukan mo lang masamain.

"Aba,may bagong naligaw na babae dito sa Section 11 ah HAHAHAHA" huminto sya sa pagtawa ng walang makitawa sa kanya.

Pffft.Pahiya.

"Oh Ivan,nandito ka pa rin.

Isa ka pa Ethan,walang pinagbago? Oh,Jayden...ano?"

Puna nya sa mga lalaking pumasok kani-kanina lang.

Hindi ko nga lang matukoy kung sino sa kanila si Ivan,Ethan at Jayden.

May bigla namang tumapat sa room namin,nakasalamin sya ngunit mapapansin mo pa rin ang makisig nitong katawan.

"Mr.Teralva? Bakit late ka?" Tanong ng guro dito pero tanging yuko lamang ang ginawa nito.

"Pasok na" sabi ng kaklase ko sa likuran ko at pumasok ang lalaking may salamin na di man lang pinansin si sir.

"Kahit kailan talaga ay wala kayong modo! Ikaw Mr.Teralva? Ano? Nahahawa ka na rin ba?!" Galit na tanong nito.

"Ser magtuturo po ba kayo o hindi?" Tanong ng isang lalaki sa likod ko.Tiningnan ko ito at nagtama ang paningin namin kaya ibinalik ko nalang ang tingin ko sa harapan.

"Aba Ethan,di pa rin talaga nagbabago ang ugali mo ano? Bahala kayo dyan,bukas nalang ako magtuturo" sabi ng teacher at lumabas na ng room.

"Di man lang nagpakilala?" Bulong ko dahil di ko pa rin alam ang pangalan nya.

Tumayo ang tatlong lalaki at pumunta sa harapan.

"Kanya-kanya nalang tayong pakilala,hindi natin kailangan ng teacher para magpakilala tayo.Ang iba dito ay kilala na ang iba ngunit ang iba naman ay hindi pa" pasimula ng Isang lalaki sa tabi ng Ethan.

"Ako si Ivan Vincent Wilson,ang section ko dati ay Section 11 din,ngunit dahil bagong year,bagong kasection nanaman.Ang mga section 11 ay dito na talaga nakaroom,kaya ang mga BAGO ay wag mag-inarte...kunti lang naman ang nadagdag sa bago e kaya madali nalang yun" Mahabang paliwanag nito,Ivan pala ang pangalan nya.Ang isang lalaki nalang ang di ko kilala.

"Ako si Ethan James Reyes,at maraming nakakakilala sakin maliban sa iba.Dati na rin akong section 11" pakilala ni Ethan,Maganda rin naman ang pangalan nya.

"Ako naman si Jayden Clark Ramirez" kaunting pakilala nito...yun lang? Pangalan lang? Tsk.

"Ako naman si Dylan Teralva,nice to meet you lalo na sa bago" anang lalaking nakasalamin,may libro sa desk nya,sipag naman nito mag-aral.

Nagpakilala pa ang ilan at ang isang babae na ang sunod.Kanina ko pa gustong malaman kung sino sya,ang ganda ng muka nya tapos ang puti nya pa.

"A-ako si Sabrina Jacey Winson, Rina for short" pakilala nito at bahagyang ngumiti,sumunod si Kiara..

"My Name is Kiara Lara Thomas,nice to meet you all" masiglang pakilala nito at naupo...ako na ang magpapakilala.

"Ako naman si Zoe Faye" pakilala ko at naupo.Tiningnan ko ang mga kaklase ko na parang hindi satisfied sa pagpapakilala ko.

"Anong apelyido mo?" Tanong ng isa kong kaklase,sino na nga ba to? Si....si...si...ahh tama si Clark.

"Wala muna akong ginagamit na apelyido,patay na ang umampon sakin kaya wala na akong ginagamit na apelyido"

Sabi ko naman sa kanila.

Para nila akong lalamunin sa mga tingin nila.

"Ayoko kong gamitin yung binigay saking apelyido ni papa" dugtong ko para tumigil sila kakatingin,sakto namang pumasok na ang teacher para magturo.