Kabanata 14 Wala Kang Pakielam

Walang magawang tinitigan ni Caroline ang guwapo niyang mukha.

Sapagkat hindi siya makahanap ng paraan para makaalis sa pinaguusapan nila na tungkol sa pera, pinalitan niya ang topic nila.

“Hindi ka ba nag-aalala na baka masaktan o magalit si Daniella kapag nalaman niya ang lahat ng ito?” maingat siyang nagtanong, tinitignan ang ekspresyon niya.

Sa kasamaang-palad, seryoso ang mukha niya ng sumagot siya, “Wala ka ng pakielam doon.”

*

Sa sumunod na araw ng alas otso ng sa opisina, tumungo sa banyo si Caroline habang nasa meeting si Evan.

Aksidente niyang nakabangga si Daniella na naghuhugas ng kamay.

Agad na umiwas ng tingin si Caroline matapos sulyapan si Danielle, pero ngumiti si Daniella at nagsalita, “Ms. Shenton, dedicated ka talaga. Pumapasok ka pa din sa trabaho matapos magulpi ng husto.”

Nanigas si Caroline. Nandoon ba si Daniella noong gabing iyon? Maaari kayang kaya hindi sinagot ni Evan ang tawag dahil kasama niya si Daniella?

Habang kalmado ang ekspresyon, sumagot siya, “Ms. Love, huwag mo sana pakielaman ang buhay ko.”

Pero lumapad lamang lalo ang ngiti ni Daniella. “Hindi ba’t nagalit si Evan sa iyo?”

Dumiretso ng tayo si Caroline at tinitigan ng malamig si Daniella. “Anong ibig mo sabihin?”

Kumuha ng tissue si Daniella at tinuyo ang mga kamay niya. “Kung tama ang hula ko, kinamumuhian ka na siguro ni Evan, tama? Wala nga naman may gusto sa babaeng sinusubukan areglohin ang utang niya gamit ang katawan.”

Sa isang iglap, naintindihan niya ang ibig sabihin ni Daniella matapos maalala ang surveillance video. Si Daniella ang nag set-up sa kanya!

“Paano niya itong nagawa?! Siya ang dahilan kung bakit ako napahiya ng ganito at bantay sarado ngayon. Napaka bitch!” Habang iniisip ito ni Caroline, lalo siyang nagagalit.

“Daniella, ano bang problema mo sa akin?” galit na tanong ni Caroline.

Ngumiti si Daniella at humakbang siya palapit. “Siyempre galit ako sa iyo. Inaagaw mo ang lalake ko, Caroline. Hindi mo ba nakikita kung gaano ako kagalit sa iyo? Mukhang wala kang kaalam-alam.”

“Bakit mo sinusubukan na habulin ang lalake na gusto ko? Nakikita mo naman na ang pamilya mo ay butas na walang hangganan, sa tingin mo ba talaga may lalake na buong puso na ibibigay ang kalooban sa iyo?”

Biglaang natuwa si Caroline sa aroganteng ugali ni Daniella.

Kalmado siyang sumagot, “Anong problema, Ms. Love? Natatakot ka sa abilidad, academic qualifications, at itsura ko? Kaya ba ang nilalait mo lang ay pamilya ko?”

Noong narinig ito ni Daniella, nagbago ang mukha niya at naging pangit ang ekspresyon.

Nandidiring tinignan ni Caroline si Daniella bago dumiretso sa banyo. Nagulat siya at sinundan siya bigla ni Daniella at sapilitan na hinatak ang kamay niya.

Itinulak siya bigla ni Caroline at sa sumunod na iglap, isang sigaw ang maririnig. Humarap si Caroline at nakita si Daniella na nakahiga sa sahig.

Habang nahihirapan tumayo, tinignan ni Daniella si Caroline na tila nasaktan. “Ms. Shenton, bakit mo ito ginawa sa akin?”

Walang masabi si Caroline.

Anong sinusubukan makamit ni Daniella?

Naluha siya habang sinasabi, “Nag-aalala ako sa iyo at gusto makita ang pinsala mo sa mukha. Bakit mo ako itinulak?”

Tumawa ng malamig si Caroline. Sasagot sana siya ng bigla siya nakarinig ng mga yabag na palapit.

“Anong nangyayari dito?”

Noong narinig niya ang pamilyar at malamig na boses, bumilis ang tibok ng puso ni Daniella. Humarap siya at nakita si Evan na palapit kay Daniella.

Habang lumuluha, yumakap si Daniella kay Evan. “Evan, sobrang sakit ng binti ko.”

“Alam ko.” Tinitigan niya ng malamig si Caroline bago binuhat si Daniella at tumungo sa opisina.

Nanlumo si Caroline matapos makita silang paalis.

Ang isa ay umaarte at ang isa naman ay naniwala ng husto. Bigla, nakita niya na siya ang masamang tao sa pangyayaring ito.

Habang palabas siya ng opisina, ang dalawang katrabaho niya ay hindi napigilan na kutyain siya.

“Ms. Shenton, nararapat lang iyan sa iyo.”

“Ang akala ko pataas na siya. Iyon pala, pamalit lang siya kay Ms. Love. Kaloka!”

Sinulyapan sila ng malamig ni Caroline. “Kung hindi tugma ang performance mo sa required na standard sa katapusan ng buwan, kaya kitang paalisin anytime.”

Taas noo siyang bumalik sa opisina niya.

*

Matapos ang trabaho, inihatid ni Reuben si Caroline pabalik sa Villa Rosa. Naghanda si Lily ng hapunan para sa kanya.

Matapos maghugas ng kamay at maupo sa hapagkainin, ngumiti si Lily at sinabi, “Ms. Shenton, ang suwerte mo.”

Nabigla si Caroline at naguguluhang tinignan si Lily. “Ako?”

Tumango si Lily at ipinaliwanag, “Oo, ikaw. Sinabi sa akin ni Mr. Jordan na gusto mo ang mga pagkain na ito, kaya inutusan niya akong lutuin ang mga ito bago ka umuwi.”

Tinignan niya ang mga pagkain sa harapan niya. Totoo na ito ang mga paborito niya.

Pero ano naman kung mga paborito niya ito? Nawala naman ang kalayaan niya.

Kumain siya ng ilang subo lang, at dahil wala siyang gana, naghanda siyang umakyat.

Ngunit, noong naabot na niya ang tuktok ng hagdan, pumasok si Evan sa villa.