Chapter 21 - Inside the Enemy’s Lair

Ang tagal kong hinintay na makita ka... Kung saan-saan kita hinanap. Walang araw o minuto na hindi ka sumagi sa isip ko. Halos mabaliw na nga ako kaiisip sayo.

Kung kamusta ka na?

Nasa maayos ka ba?

Kung anong na nangyari sayo?

Kahit alam kong sobrang delikado, panatag ang loob ko noong sumama si Dad sa Hexagon mission.

Kasi alam kong kasama ka.

Na proprotektahan mo ang nag-iisang taong mahalaga sa buhay ko, maliban sayo. Katulad ng pag-protekta mo sa akin noon.

Pero nang mapatay si Dad sa engkwentrong yun, hindi kita sinisi. Bagkus, nag-alala pa nga ako sayo noong bigla kang nawala. Kahit halos lahat ay nagsasabing may kinalaman ka sa nangyari. Naghintay pa rin ako...

Na marinig ang kuwento mo. Dahil naniniwala ako sayo. Naniniwala ako sa kung anong meron tayo.