Chapter 83 - Final chapter

MAKALIPAS ANG ISANG TAON.

"Wow! Ang ganda naman ni baby Hanna! Manang-mana sa Ninang!"

"Hoy, mahiya ka naman sa adam's apple mo, Yanna. Baka mausog mo 'tong bata."

Sumimangot ang dalaga sabay hampas sa braso ni Ethan na ikinatawa naman ng binata.

"Ikaw talaga, inaano mo na naman 'tong si Yanna. Bisita natin yan," saway ni Zea kay Ethan na di matigil sa pangaasar kay Yanna.

"Uy, thank you ha. Alam ko sobrang busy mo sa SIBS ngayon. Pero lumuwas ka pa rin dito sa Baguio para kay Baby Hanna."

"Aba, siyempre naman. Palalampasin ko ba naman ang binyag ng inaanak ko?" sambit ni Yanna saka pinangigilan ang inaanak na karga ni Zea.

"Sus! Sabihin mo si Hadrian ang di mo mapalampas kaya nandito ka!" kantyaw ni Ethan sa dalaga.

Sasagot pa sana si Yanna nang biglang pumarada ang isang itim na kotse sa driveway at bumaba si Hadrian mula roon.

"Uy! Mabuti nakarating ka!" bati ni Zea.

Ngunit kaagad silang napatigil nang muling bumukas ang pinto ng passenger seat ng kotse. Unti-unting nanlaki ang m