Kabanata 12.1

Pinag-iisipan pa rin ni Monique ang tungkol sa sinabi ni Aidan sa kaniya. Ibibigay ni Aidan ang posisyon na CFO sa kompanya. She will be the chief financial officer, siya ang magrereport ng lahat kay Aidan tungkol sa finance.

Isang malalim na buntong hininga ang pinakawalan ni Monique. Nagdadalawang isip pa rin siya kung tatanggapin ba niya ang posisyon pero ito naman ang gusto niya hindi ba? Ang makapasok ng tuluyan sa kompanya ng mga De Chavez.

Hindi siya mahihirapan na maglabas pasok sa kompanya nila dahil may dahilan na siya. Muling sumilay ang ngisi sa labi ni Monique, araw-araw niyang makakasama si Aidan kaya araw-araw na mag-ooverthink si Isabella.

Paniguradong sa mga oras na ito ay alam na ni Isabella ang ginawa ni Aidan, ang pagbibigay niya ng posisyon para kay Monique sa loob ng kompanya. Ano kayang iniisip niya sa mga oras na ito? Sumimsim si Monique sa tsaa niya. Kahit na may access na siya sa kompanya kailangan pa rin niyang mag-ingat dahil paniguradong nakabantay sa k