Kabanata 45.1

Nang maging malinaw na ang mga mata ni Monique ay muli niyang binasa ang mahabang letter ni Isabella para sa kaniya. Isabella is calling her Princess too dahil nag-iisa siyang babae sa pamilya nila.

‘Nagawa ko ang lahat ng mga krimen na yun sa sobrang inggit ko sayo. Ako nga ang kasama ni Aidan, ako ang palaging nasa tabi niya, ako ang kasama niya sa pagtupad ng mga pangarap niya pero kahit na wala na siyang balita sayo alam ko at ramdam ko pa rin na ikaw pa rin ang hanap niya. Ikaw pa rin ang gusto niyang makasama at nasasaktan ako sa tuwing sinasabi niya sa akin na kaibigan lang ang kaya niyang ibigay sa akin. Araw-araw niyang ipinaparamdam sa akin na wala akong puwang sa puso niya, na walang makakapalit sayo sa puso niya, na kahit wala ka sa tabi niya ikaw pa rin ang mamahalin niya. Ako ang nasa harapan niya pero ikaw ang laman ng puso’t isipan niya. Alam kong late na para marealize ko ang lahat ng ginawa ko, kinain ako ng inggit ko at sa mga oras na ito lilisanin ko na ang mundo.