59

59

KINABUKASAN.

Hindi labis maipaliwanag ang saya na naramdaman ko nang sabihin sa akin ni Tyson na magkakaanak na kaming dalawa. Kitang-kita ko rin sa mukha niya kung gaano siya kasaya na magkakaanak kaming dalawa. Sobrang saya ko! Kaya hindi ko maiwasan na tawagin si tiya Joan at tiya Lorna para ipaalam ang magandang balita na ito.

"Bakit hindi ko pa sila nakikita, Mel?" tanong ko kay Mel. Sabi niya kasi ay sabay niyang tatawagan sila tiya. Hindi ko alam paano niya gagawin iyon kaya hinayaan ko siya.

"Teka lang hindi pa kasi nila sinasagot." Sabi niya at may kung anong kinalikot sa cellphone. "Ayan na!"

Napadungaw ako sa cellphone at nakita ang mga mukha nila Tiya. Tumabi naman si Mel at hinayaan ako. Tinignan ko naman ang mga mukha nila tiya sa screen. Medyo nag-la-lag kaya halos ilong at noo nga lang ang kita ko, e. Siguro sobrang lapit nila masyado sa camera.

"Ano ba ito?" dinig kong tanong ni Tiya Lorna. "Anong mayroon? Hijo, tulungan mo nga ako. Paano ulit ito." May narini