Semua Bab A Night in Paradise (Tagalog): Bab 1 - Bab 4

"Lilith ano ba, ngayon lang 'to mangyari kaya dapat sulitin na natin dahil kung hindi ay pagsisisihan ko ito habang buhay!" reklamo ni Elissa. Naiintindihan ko naman siya pero hindi ata magandang dito kami sa pinagtatrabahuan naming bar magsaya. Nakakahiya sa boss namin kapag nakita niya kami. "Oo nga't minsan lang 'to, pero Elissa roon tayo sa ibang bar mamalagi!" "Ano ka ba! Ayos na rito, ang sabi kanina ni Josiah libre raw ang inumin nating mga trabahador ni boss." Napasingap ako dahil alam kong wala na akong magagawa para mapapayag siya. "Ano bang problema mo? Nasa mamahaling bar na tayo bakit gusto mo pang lumipat, ha? Let's just enjoy this night, Lilith! Alam mong minsan lang ito mangyari." Dugtong niya sa naunang sinabi sabay sayaw. Napahinga ako ng malalim. Ito ang kauna-unahang day off namin simula noong nagtrabaho kami rito sa bar na ito. Tama nga naman ang sinabi ni El

Gusto kong huminga ng malalim dahil sa bungad niya pero pinili ko na lamang huwag gumawa ng kahit ano dahil alam ko na kung anong mangyayari kapag may isinumbat ako. Tumango ako. "Sige po, Auntie. Magbibihis lang po ako," pagod kong sagot bago pumanhik sa aking kwarto. Nagbihis ako roon at kahit na masakit ang ulo at nahihilo ako ay naghugas muna ako ng pinag-kainan nila. Habang naghuhugas ay naririnig ko ang tawa ni Auntie sa sala. Nakikitira lamang ako sa kanila at ito ang kapalit sa pagtira ko. Ang paglilinis sa kanilang bahay, pagluluto ng pagkain nila at pagbigay ng pera o grocery tuwing swelduhan. Wala na akong mga magulang kaya ako nandito sa puder ng tiyahin ko. Kaya kapag may sapat na akong pera para sa pangungupahan ng apartment ay aalis na ako rito. Hindi ako nakakaipon at mahirap ang buhay ko sa puder nila. Pagkatapos maghugas ay agad din akong pumanhik sa aking kwarto para matulog muna.