"Ma'am, mamaya po muna kayo pumasok. Wala pa po ang groom," sabi ng wedding coordinator na humarang kay Tamara. "Ano ba ito, lokohan? Nasaan si Andrei? Bakit wala siya rito? Anong drama ba ito?" Mahinahon pero galit na tanong ni Tamara sa kaharap niya. Mas lalong lumapit kay Tamara ang babae. Bumulong ito sa kan'ya nang, "Nasa CR lang po ang groom ninyo. Hindi na po niya napigilan ang maihi dahil sa sobrang nerbiyos." Napaawang ang mga labi ni Tamara. Kinalaunan ay napangiti ito ng sobrang lapad. Tuwang-tuwa siya sa narinig niya pero hindi niya gustong makita ng mga tao na pinagtatawanan niya si Andrei. Nang pumasok ang binata sa lugar kung saan gaganapin ang kasal, na-shock siya. Si Tamara ay naghihintay na sa labasan. Pilya ang ngiti nito habang naka-thumbs up sa kan'ya. Habang naglalakad ang dalaga palapit sa naghihintay na si Andrei, hindi niya maipaliwanag kung ano ang nararamdaman niya. Magkahalong kaba at excitement naman ang lumukob kay Andrei habang naghihintay sa papa

Hindi makapaniwala ang mga kamag-anak ni Andrei sa narinig nila. Buong akala nila ay namatay si Jeff sa mismong araw na nasunog ang mansion nito sa Quezon City. Napilitan tuloy si Tamara na ipaliwanag sa kanila kung ano ang nangyari nang gabing iyon.“Sino ang nag-utos sa iyo?” tanong ng auntie ni Andrei. “Hindi ko po alam. Inisip ko noon na galing iyon sa pinakamataas na pinuno ng mafia na kinabibilangan ko kaya pumunta ako. Lately naiisip ko na si General Gomez ang nag-utos sa akin kasi siya rin ang nagpadala sa akin sa mafia world,” paliwanag ni Tamara.“Sa totoo lang, uncle, naghihintay na lang kami ng resulta ng imbestigasyon na isinasagawa ng mga private investigator na binabayaran ko. Time will come na malalaman din natin ang totoo. Ang mahalaga ngayon ay alam ko nang hindi ang asawa ko ang pumatay sa aking daddy,” wika ni Andrei. "Sana hindi si Sir David ang may kagagawan ng lahat ng kasawian mo, Andrei. Pero kung siya man ang may gawa noon, isipin mong may pamilya ka pa ri

"Honey, someone is trying to make me crazy."Napaangat ang ulo ni Tamara habang nagsusulat. Para matulungan kasi ang asawa sa mga problema nito ay hiniling niya kay Andrei na payagan siyang magtrabaho sa Montillano Empire tutal ay wala siyang trabaho ngayon sa Torquero Group of Companies dahil pinagpapahinga siya ni Kryzell. "How can you say so?" tanong ni Tamara. "Noong presscon, may isang lalaki na naka-jacket with hood. Kamukha siya ni daddy kaya pinatanggal ko ang hood niya. Pero noong nalantad ang mukha niya, ibang tao naman pala. These past few days, palagi akong nakakakita ng mga kamukha o kasing katawan ni daddy pero kapag nilalapitan ko na, ibang tao sila. I don't know, baka nga nasisiraan na talaga ako ng ulo." “Oh, no. You are mentally stable, honey. Huwag kang ma-stress sa mga nakikita mong iyan. We both know na hindi ka titigilan ng uncle mo. Who knows, baka isa ito sa mga paraan niya para palabasin na hindi ka capable na pamahalaan ang company.” “Do you think that is

Nang mapansin ni Tamara na namumutla na si Isabel ay hindi na niya nagawang komprontahin ito. Sa halip na galit ay awa ang naramdaman niya para sa dalaga. Ilang taon din itong inalipin ni Hilda at ngayon naman ay bumulaga rito ang isa na namang katotohanan. Halos buong buhay ni Isabel ay puro kasinungalingan at kung siya ang nasa posisyon nito, baka nabaliw na siya. Subalit sadyang matatag si Isabel. Pilit pa rin itong ngumingiti kahit peke lamang iyon. Pagkatapos kausapin ni Kaizer ay bumalik na ng Maynila ang mag-asawang Andrei at Tamara. Ngunit bago sila umalis ay kinunan na ng DNA sample si Isabel para makapagsagawa ng fraternity test. Habang nasa daan ay panay ang check ni Andrei ng mga emails at records ng kumpanya. Pinapabayaan lang naman siya ni Tamara dahil alam nitong maraming trabaho ang kan’yang asawa. Ilang oras pa lang sila sa Maynila, tumawag ang mga private investigator na inupahan ni Andrei. Sa mansion ng mga Montillano, isa-isa rin na inilatag ng mga imbestigador

“Baliw na ba si Montillano?” tanong ni Allan sa isa sa kan’yang mga tauhan. “Malapit na, boss. Kaunting-kaunti na lang at tiyak na masisiraan na siya ng ulo. Sa dami ng mga problema na kinahaharap niya, dinagdagan pa iyon ng apparition at messages ng kan’yang ama, tiyak na mawawala siya sa sarili niyang katinuan." Isang malutong na halakhak ang pinakawalan ni Allan. Pumailanlang iyon sa buong silid kung saan sila nagpulong ng kan’yang mga tauhan. Ngayon pa lang ay nagdiriwang na siya sa tagumpay na malapit na niyang makamtan. Batid kasi niyang kapag si Andrei ay bumigay, masisira rin ang katinuan ni Tamara. Pag-ibig kasi ang sumisira sa tao ayun sa paniniwala ni Allan. Iyon kasi mismo ang nararanasan n'ya. “Itodo ninyo ang ginagawa ninyong gulo sa Montillano Empire. Hayaan ninyong mawala sa katinuan niya ang mayabang na lieutenant na iyon. Pabayaan din natin na sisihin niya si David. Wala akong pakialam kung magpatayan silang dalawa.” Panay ang himas ni Allan sa kan’yang balbas h