Aleya's PovNag-stretch ako ng aking mga kamay pagkatapos kong tumayo sa ibabaw ng kama. Katatapos ko pa lamang isulat sa aking laptop ang report ko at isinend ko iyon sa email ni Ninong Zandro. Every two weeks ay nagsisend ako ng aking report sa kanya para may updates siya sa akin at sa trabaho ko. In-exercise ko rin ang aking mga daliri dahil nangalay ito sa kakatipa sa keyboard ng aking laptop. Tumalon ako pababa sa kama at lumabas sa aking silid. "Sa wakas ay lumabas ka na rin sa kuwarto mo, Ate Aleya," may pag-aalala sa boses na salubong sa akin ni Gigi pagbaba ko sa sala."Bakit naman? May hindi ba magandang nangyari?" nagtataka kong tanong sa kanya. "Tinapos ko pa kasi ang report ko dahil kailangan ko nang ipadala iti sa aking boss," dugtong ko. Ang tinutukoy kong boss ay walang iba kundi si Ninong Zandro."Umalis si Kuya Enrique, Ate Aleya. Gusto kong sabihin sa'yo ngunit pinagbantaan niya ako na pauuwiin niya ako sa mismong bahay ng mga magulang namin kapag nagsumbong ako sa

Aleya's POVWala kaming imikan ni Enrique habang sakay kami ng aking kotse pauwi sa bahay niya. Iniwan na lang namin ang kotse niya sa harapan ng restaurant at tinawagan ko na lamang ang isa sa mga guards sa bahay ni Enrique para iuwi ang kotse ng binata. Nakakailang ang sobrang katahimikan sa loob ng kotse ngunit wala akong balak na unang bumasag sa katahimikang namamagitan sa amin. Mukhang wala namang balak na magsalita si Enrique kaya itinikom ko na lamang ang aking bibig. Pagdating namin sa bahay nila ay tuloy-tuloy lamang siyang pumasok sa loob ng bahay at tila wala talaga itong balak na ipaliwanag sa akin ang tungkol sa babaeng kasama niya sa restaurant. Napabuntong-hininga na lamang ako habang sinusundan siya ng tingin. Ngayon ay klaro na sa akin ang lahat. Hindi siya totoong may gusto sa akin. Dahil kung may gusto siya sa akin ay magi-effort siyang magpaliwanag sa akin dahil baka mag-isip ako ng hindi maganda sa kanya at sa babaeng kasama niya. Muli akong nakaramdam ng pinong

Aleya's Pov"Aleya, sige na. Turuan mo ako ng self-defense para kahit paano ay maipagtanggol ko ang aking sarili. Kapag kasama ko si Kuya Enrique ay makakaya ko rin siyang ipagtanggol lalo na kung wala ka," pangungulit sa akin ni Edzel. Kanina pa niya ako kinukulit na turuan ko siya ng self-defense ngunit hindi ko siya pinapansin. Inilapag ko sa mesa ang baril na nililinisan ko at hinarap ko siya. May point naman siya. Maaari nga niyang maipagtanggol ang kuya niya kapag wala ako sa tabi nito. "Okay. Tuturuan kita pero huwag ngayon. Saka na kapag mahaba-haba ang oras na libre ako sagot ko sa kanya.""Talaga? Sinabi mo iyan ha? Wala nang bawian," tila batang sabi ni Edzel. "Oo nga. Ang kulit," naiiling kong sagot sa kanya at bahagya pa akong napapangiti sa kakulitan niya. Magkaibang-magkaiba ang ugali niya sa nakatatandang kapatid niya na babaero na nga ay may mood swing pa."Yes!" sigaw ni Edzel sa hangin. Sa pagkakataong ito ay hindi lang ako napapangiti kundi natawa na talaga ako.

Aleya's PovNapabalikwas ako sa malakas na katok sa pintuan ng aking silid. Saglit na inayos ko ang aking sarili bago tuluyang bumaba sa kama para pagbuksan ang taong kumakatok. Mukha ng nakabusangot na si Gigi ang nabungaran ko sa labas ng pintuan."O bakit? Ba't lukot ang mukha mo? May mangkukulam bang nakapasok sa bahay ninyo? Saka akala ko ay inihatid ka na ni Edzel kagabi papunta sa bahay ng mga magulang ninyo?" nagtataka kong tanong kay Gigi. Pumasok muna ang dalaga sa loob ng aking silid at naupo sa gilid ng aking kama bago sinagot ang aking tanong. "Mamaya pa ako ihahatid ni Kuya sa bahay nina Daddy. At tama ang sinabi mo, Ate Aleya. May mangkukulam ngang nakapasok ulit sa bahay. At hindi lang pala nakapasok kundi dito raw muna pansamantalang titira ang babaeng iyon," nakasimangot na sumbong ni Gigi. At kung hindi ako nagkakamali ay si Cloe ang tinutukoy nitong mangkukulam na nakapasok at dito pa titira sa bahay ng kanyang kapatid."Ayaw mo ba no'n? Magiging straight na ulit

Aleya's PovIlang-ilang na ako sa klase ng mga tingin ni Enrique habang ginagamot ko ang kanyang mga pasa sa mukha. Pagkarating namin sa bahay niya ay agad niya akong hinila papasok sa silid niya at inutusang gamutin ang mga sugat niya. Hindi niya pinansin ang nag-aalalang tanong sa kanya ng kanyang tita nang makita ang kanyang hitsura. Mabuti na lamang at wala si Edzel dahil nasa bahay ng mga magulang nila't hindi pa bumabalik mula sa paghahatid kay Gigi. Kung nagkataong narito siya at nakitang ganoon ang hitsura ng kanyang kuya ay natitiyak kong hindi niya tatantanan sa si Enrique sa kakatanong. At magmula mula umpisa ng paglilinis ko sa sugat ni Enrique ay hindi niya hinihiwalayan ng tingin ang aking mukha. Masyado tuloy akong conscious at hindi makakilos ng maayos. Napabuntong-hininga na lamang ako nang tila walang balak si Enrique na alisin sa mukha ko ang kanyang paningin. Kapag patuloy pa rin niya akong titigan ng ganito ay baka muli na namang bumilis ang pintig ng aking puso