════════ ✥.❖.✥ ════════❝Chapter 30❞"Wala na po ba tayong bigas para mamaya, ma?" Hinilot ko ang sintido ko nang makita ang nakakalat na mga laruan ng bunso kong kapatid sa maliit naming sala. Masikip ang buong espasyo na dalawang tao lang ang kakasya, sa sala din na ito ay dito rin kami kumakain. "Nakauwi kana pala Lumina. Naku, pasensya kana ha? Pinalaro ko muna ang kapatid mo kasi nilabhan ko pa mga bagong pinadalang lalabhan." Iniisa-isang kinuha ni mama ang mga kalat na laruan habang ako ay nakatayo lamang sa may pintuan.Pinagmasdan ko siya at napabuga na lamang ng hangin. "Diba sabi ko po sainyo na huwag na kayo tatanggap ng mga labahin? Paano kung atakehin ulit kayo sa sakit?" "Minsan lang naman, anak. Kulang na din kasi ang bigay mo. Hindi naman puwedeng aasa nalang lagi sa sweldo mo. Anak, wala na tayong bigas tapos 'yung gatas ng kapatid mo mauubos na. Ayaw na tayong pautangin ni Lusil kase hindi pa natin nababayaran 'yung utang sa nakaraang buwan."Natahimik ako. Sa hu