Lahat ng Kabanata ng Unveiled Riches: CEO's Billionaire Wife's: Kabanata 71

NANGINGINIG ang mga tuhod ni Don Sebastian na bumababa sa hagdanan. Agad namang sinalubong ni Manang nang matanaw niya itong hirap sa pagbaba upang maalalayan."Don Sebastian--""Kasawiang palad--kasawiang palad talaga sa pamilya ko ito, Manang! Isa-isa, ang mga lalaki sa pamilya ng angkan ko ay pinapabagsak lamang ng mga kababaihang iyon. Mga babaeng may tinatagong lihim na layunin, may mga mata sa yaman, hindi sa puso! At dahil lamang sa kagandahang may lason, masisira pa ang kinabukasan ng mga susunod na henerasyon na pinundar ko ng napakatagal na panahon." Hinaing nito saka umupo sa couch."Sandali ho, at ikukuha ko muna kayo ng tubig." Paalam saglit ni Manang Corazon saka humakbang papalayo. Hindi naman maiwasan ang lungkot sa mga mata ng matanda habang nakatingin ito sa paligid. Tandang-tanda niya pa kung paano niya pinangarap ang mundong kinabibilangan niya ngayon. Lalo na ang villa na ito. Itinayo niya ito hindi lang sa kagustuhan niya kundi dahil sa kaniyang namayapang asawa