All Chapters of The Queen Warrior: Chapter 21 - Chapter 30

122 Chapters

Chapter Twenty-one

Nang sumapit ang gabi, nanatili sina Gaia, Aurus at Brie sa k’webang tahanan ng dalaga. Gumawa ng apoy si Aurus at nagpakulo ng tuyong pulang prutas para inumin niya. Bumuti ang pakiramdam ng dalaga at bumalik sa normal ang lakas niya. Nang masigurong maayos na siya, lumabas si Aurus para maghanap ng pagkain. Naiwan naman sila ni Brie habang nakatali ang walang malay na si Pinunong Piggy. Pinatulog ito ni Aurus kanina nang wala itong tigil sa pag-iingay. Kung ano-anong suhol ang gusto nitong ibigay sa kanila para palayain nila ito, pero isa man sa mga iyon ay wala silang pinansin.Magkatapat silang nakaupo ni Brie sa nagliliyab sa apoy sa gitna ng k’weba nang magsalita ang bata.“I-ina, patawad po kung may nasabi akong hindi maganda. Hindi ko po sinasadya,” mahina at nakayukong sabi ni Brie.Mula sa malamlam na apoy, pinagmasdan ni Gaia si Brie. Wala na yatang magpapatigil dito para hindi siya tawaging ina kaya binalewala na lang niya. Nahahalata pa rin niya sa bata ang namamaga niton

Chapter Twenty-two

Napansin ni Gaia ang kampanteng reaksyon ni Aurus. Prente itong umupo at tinitigan siya.“Mali ka, Gaia. Hindi ako nagsisi sa ginawa ko. Alam ko ang epekto ng pananatili ko rito at umaasa pa rin akong may babalikan sa Uruvularia. Kung wala naman, hindi iyon problema. Makakaya kong mabuhay bilang simpleng tao na walang katungkulan. Hindi mo rin ako mapipilit umalis ng Forbideria. Tulad nang sinabi mo, isang beses lang maaaring lumabas ang sinuman mula sa kaharian niyo. Kilala ang Forbideria sa kaharian namin bilang ipinagbabawal na kaharian at walang sinuman ang nakakaalam kung paano makapapasok dito. May haka-haka rin na isinumpa ang lugar na ito at nakamamangha ang depensang bumabalot sa Forbideria. Malalakas na hangin at galit na mga alon ang proteksyon nito mula sa mga dayuhan. Siguro, hindi lang si Tana ang dahilan kaya nakapasok kami rito. Maaaring nakatadhana akong manatili rito para samahan ka at malakas din ang pakiramdam ko na may koneksyon ako sa lugar na ito.”Bahagyang nat

Chapter Twenty-three

Kasiyahan ang nakikita ni Gaia sa mukha ng mga tao habang tumatanggap ng salapi at mga pagkain. Nasisiyahan din siya dahil ilan sa mga ito ay nagpapasalamat sa kaniya at ngumingiti. Hindi niya naranasan iyon noon at iniisip niyang magbabago na ang buhay ng mga tao sa Atar, ngunit hindi nila inaasahan ang pagdating ng mga kawal ng kastilyo. Hinawi ng mga kawal ang kumpol ng mga tao at dumaan sa gitna si Sigmundo at ang lalaking may takip sa mukha. Unti-unti silang umatras at sumiksik sa karamihan para hindi mapansin ng mga ito.“Mawalang galang na po, mga ginoo, ngunit sino po kayo?” magalang na tanong ni Ginoong Toko na walang ideya kung sino ang mga dumating.“Nakapagtataka at hindi mo kami kilala,” mapaglarong sabi ng lalaking may takip ang mukha.“Pasensya na po, pero ngayon ko lang kayo nakita.”Malakas na tumawa ang lalaking may takip sa mukha bago ito umupo sa bakanteng upuan sa tabi ng mga kahon ng prutas. Kumuha ito ng mansanas at kinain iyon.“Tingnan mo kung buhay pa ang mat

Chapter Twenty-four

Napatuwid ng upo si Aurus sa narinig.“Sigurado ka ba, Gaia? Alam mo ang lokasyon ng mga sangkap?”“Natatandaan ko ang mga nakasulat sa libro ni Lola Claro, ngunit hindi ako sigurado kung may natitira pang ganoong mga halaman sa kahariang ito. Maaaring naubos na iyon tulad ng puno ng pulang prutas, pero susubukan ko pa rin.”Ngumiti si Aurus at hindi niya maitago ang kasiyahan sa desisyon ni Gaia.“Mabuti naman at nagdesisyon ka nang hanapin ang mga sangkap. Masaya ako na gusto mong gumaling sa sakit mo, Gaia.”Bumaling ang tingin ni Gaia sa kaniya. Malamig na naman ang mga mata nito habang nakatingin sa kaniya. Pakiramdam niya ay bumalik sa pagiging estranghero ang tingin nito sa kaniya.“Sino’ng may sabi na hahanapin ko ang mga sangkap para gumaling? Gagawin ko ito para tumigil ka na sa pangungulit sa akin, Aurus. Kapag nalaman mong wala na ang mga halamang hinahanap natin, hahayaan mo na ako at aalis ka na sa tabi ko. Isipin mo na lang na gagawin ko ito para may silbi ang sakripisy

Chapter Twenty-five

Mabilis na pinatakbo ni Aurus ang kabayo, pero naririnig pa rin niya sa malapit ang yabag ng mga kabayong humahabol sa kanila. Hindi pa rin sila nakalalayo ng distansya sa mga kawal dahil likas na mabibilis ang kabayo ng mga ito. Nababawasan naman ang bilis ng takbo nila dahil sa karwaheng hila ng kanilang kabayo. P’wede sana nilang alisin ang karwahe, pero tiyak na mahihirapan sila. Baka mas mas lalo silang mahuli ng mga kalaban kung gagawin nila iyon.“Ibaling mo sa kanan ang kabayo, Aurus,” sigaw ni Gaia na agad niyang sinunod.Hinila ni Aurus ang renda ng kabayo paliko sa kanan. Napansin naman niya ang nakasulat sa isang kahoy na Riyam Division. Marahil sakop na iyon ng ibang dibisyon, pero wala pa siyang napapansin na tarangkahan sa lugar na iyon at hindi pa rin sila tinitigilan ng mga kawal.“Ina, malapit na po ang mga humahabol sa atin,” saad ni Brie.Bahagyang lumingon si Aurus sa hulihan. Tama si Brie, malapit na ang mga kawal sa kanila. Anumang oras ay magpapakawala ang mga

Chapter Twenty-six

Tahimik na pinagmamasdan ni Gaia ang bilog at maliwanag na buwan mula sa kinalalagyang kulungan. Iyon ang nagsisilbi nilang tanglaw sa kulungan na pinagdalhan sa kanila ni Brie. Isa ’yong butas sa lupa na may lalim na walo hanggang siyam na metro. Malawak ang ilalim niyon at mayroon pang iba’t-ibang butas sa pagilid. Hindi niya sigurado kung patungo rin iyon sa iba pang kulungan o disenyo lang iyon doon. Natatakpan din ng malaking kahoy ang ibabaw ng kulungan na may maliliit na kwadradong siwang. Malalaki iyon at sigurado niyang napakabigat. Bukod doon, hindi rin nawawalan ng bantay sa itaas. Nakikita niya mula sa kinauupuan ang pabalik-balik na anino mula roon. Wala siyang ideya kung saan dinala si Aurus ng mga kababaihan. Ayon sa nabasa niya sa aklat, ang lider ng tribong ito ay naghahanap ng magiging kabiyak bawat taon para sa isang tradisyon. Kung tama ang hinala niya, maaaring si Aurus ang nagustuhan nitong mapangasawa. Walang mangyayaring masama rito kapag ganoon ang nangyari. K

Chapter Twenty-seven

Marahang naglalakad si Gaia sa dilim na para siyang naglalakad sa kawalan. Walang direksyon at hindi niya alam kung ano ang naghihintay sa kaniya. Pakiramdam ang tanging gumagana sa kaniya sa walang katiyakang destinasyon. Wala rin siyang ideya kung masisilayan niya ang liwanag sa tinatahak na daan.“Ina?” marahang tawag ni Brie nang bahagya itong gumalaw habang pasan niya.“Hmm?”“Nasaaan po tayo? Bakit po madilim?”“Naglalakad tayo palabas. Matulog ka ulit. Gigisingin na lang kita kapag nakalabas na tayo.”Hindi sumagot si Brie at muli itong sumandal sa balikat niya. Maya-maya ay payapa na ulit ang paghinga nito. Nakatulog muli ang bata sa mga bisig niya.Walang ideya si Gaia kung ilang oras na siyang naglalakad hanggang matanaw niya ang munting liwanag sa unahan. Itinuon niya ang mga mata sa liwanag na tila ayaw niyang mawala iyon sa paningin niya. Matiwasay naman siyang nakarating sa liwanag, pero nagtaka siya nang makita ang dalawa pang butas doon. Napapagitnaan siya nang matataa

Chapter Twenty-eight

“Gaia, umalis ka na rito!” sigaw ng boses ni Aurus mula sa kung saan.Hinanap ni Gaia ang pinanggalingan ng boses ni Aurus, pero wala ito sa paligid. Tanging mga amazona ang nakikita niyang nakapalibot sa pormasyong kinatatayuan niya. Hindi niya alam kung imahinasyon lang niya iyon o totoong naririnig niya ang boses nito. Marahil dala lamang iyon ng kagustuhan niyang makita si Aurus at iligtas ito mula sa tribo.“Tumingin ka sa itaas, Gaia,” muling sabi ng boses ni Aurus.Ngayon niya napagtanto, naririnig talaga niya ang boses nito.Sinunod ni Gaia ang sinabi ni Aurus. Tumingala siya sa pag-aakalang naroon si Aurus, pero nasilaw siya sa liwanag ng buwan. Bahagya siyang pumikit nang humapdi ang kaniyang mga mata sa liwanag. Nakiramdam siya sa sarili at nang mawala ang kirot, binuksan niya uli ang mga mata, ngunit sinalubong siya ng kaharap na amazona. Hindi niya napaghandaan ang sipa nito sa tiyan niya.“Argh!” daing ni Gaia nang tumilapon siya pabalik sa butas na pinanggalingan niya.

Chapter Twenty-nine

Bumuntong hininga si Gaia bago inalis ang matulis na ipit sa leeg ni Aurus. Tumingin siya kay Gru na animoy sumusuko na siya. Ngumisi naman ito sa kaniya. Tila nakamit na nito ang tagumpay sa ngising iyon. Wala naman siyang pagpipilian kundi gawin ang pagpapanggap na iyon. May panibago siyang plano at sana ay magtagumpay iyon. Pinagbabasehan niya ang ihip ng hangin ngayon. Makatutulong iyon sa kaniya para makaiwas sa sandata ng kalaban.“Kuya Trey?” sigaw ng isang babae mula sa grupo ng mga amazona. Bumaling sa direksyon nito ang tingin ni Trey at kahit nagpapakiramdaman, nabaling din ang atensyon nila ni Gru roon.“Animfa! Ayos ka lang ba? Sinaktan ka ba nila?” nag-aalala nitong tanong nang makilala ang babae.“Kuya, anong ginagawa mo rito? Hindi ka p’wede pumunta rito. Bawal ka rito at baka mapahamak ka pa.”“Huwag mong baguhin ang usapan, Animfa. Ayos ka lang ba, ha? Ang sabi ni Ina, gagawin kang alay ngayon kaya narito ako ngayon para iligtas ka. Sinaktan ka ba nila?” “Kuya, maa

Chapter Thirty

“Ina! Tulungan niyo po ang ina ko!” nagwawalang sigaw ni Brie nang makitang nahulog si Gaia sa tubig.“Gaia!” sigaw naman ni Aurus na walang pagdadalawang isip tumalon sa tubig.Sinundan nito ang pagkakahulog ni Gaia at wala silang ideya kung ano ang nangyari sa dalawa. Tahimik ang paligid na pawang naghihintay kung ano ang susunod na mangyayari. Tulala ang karamihan sa miyembro ng amazona dahil sa pagkamatay ni Gru at walang sinuman ang kumikilos para saklolohan si Gaia at Aurus.“Ina! Kuya Aurus! Pakiusap, tulungan niyo po sila!” muling sigaw ni Brie.“Kailangan ko silang puntahan. Nasa panganib sila,” sabi ni Trey at muli sanang papasok sa bilog na pormasyon nang pigilan ito ni Animfa.“Huwag mong gagawin iyan, Kuya, kundi pare-pareho tayong mamamatay rito. Walang sinuman ang p’wedeng pumasok sa bilog na pormasyon habang gumagana pa ang ritwal. Masisira ang lahat ng pinaghirapan namin at mauuwi iyon sa wala. Maghintay na lang tayo rito at umasang ligtas silang dalawa.”Bumuntong hi

1 2 3 4 5 6

...

SCAN CODE TO READ ON APP