《From Adopted Daughter To Billionaire's Fiancé》全部章節：第 81 章 - 第 90 章

Lumapit si Harry at dahan‑dahang inalis ang mga kamay ni Nissy na nakatakip pa rin sa mukha. “Bakit ka ba umiiyak? Ang pangit ng itsura mo diyan, oh. Ayos lang naman si Cailyn, ‘di ba?” mahinahon niyang payo kay Nissy.Sobrang bigat ng loob ni Nissy na hindi niya magawa pang tumingin sa iba.“Kasalanan ko ang lahat e.” aniya habang humihikbi.Kung hindi lang sana niya pinaniwalaan ang sulat na iyon, at kung hindi niya lang sana sinubukang alamin kung sino ang nagpadala sa kaniya niyon ay hindi sana nasugatan si Cailyn doon.Halos matunaw na siya sa sobrang pagsisisi sa sarili. Ayaw na niyang itaas ang mukha niya habang tuloy‑tuloy ang pagtulo ng luha sa mga mata.Inunat ni Harry ang kamay para pinunasan ang luha sa pisngi ni Nissy. Sa pagkakataong iyon ay hindi siya nakipagtalo sa dalaga. “Sige na, tama na 'yang pag‑iyak mo diyan. Lalo lang sasakit ang ulo ni Cailyn sa’yo, e.” malambot ang boses na sabi niya rito.“Gusto mo bang lumapit pa siya sa 'yo para damayan ka diyan gayong ma

Ibig sabihin lang niyon ay dapat siguraduhin ng mga ito para masuri at malaman din ng lahat ang buong katotohanan hanggang sa huli!Napakunot-noo naman ang principal sa tinuran ni Jace. Alam kasi nito na sa oras na pinalalim pa ang pagtatanong ay masisira lamang ang magandang pangalan ng eskwelahan, ngunit sa harap ng taong ganoon kalakas at makapangyarihan ay mayroon pa ba siyang karapatang tumanggi?“Mr. Figueroa, tungkol po sa bagay na iyan…” sinubukan pa niyang makiusap, nagnanais pang iligtas ang dangal ng eskwelahan sa huling pagkakataon.Ngunit narinig niya ang boses ng lalaki. “Hindi naman ho ako masamang tao, masama lang ho talaga ang ugali ko. At tandaan niyo na ang mga taong itinuturing kong akin, ako lang ang may karapatang maging mahigpit o makipaglaro sa kanila. At sa oras na may ibang nang-api o sumakit sa kanila, at hindi ko nahanap ang salarin… mapipilitan akong dumiretso at humingi ng sagot mismo dito sa paaralan.” may halong babala ang mababang boses na sabi ni Jac

Ibinaba ni Jace ang ang tingin niya sa sahig, tila kalmado at payapa pa ang anyo nito. Hindi naman namalayan ni Cailyn ang matinding galit na nakatago sa kaibuturan ng kanyang mga mata nang muling magsalita ang binata.“Mabuti na lang talaga at gasgas lang ang nakuha mo ngayon. Dahil kunb tinamaan ka nang tuluyan ng mga bakal na nahulog doon, hindi na ito magiging kasing‑dali at kasing-simple gaya ngayon.” ani Jace. Hindi naman umimik si Cailyn. Hindi niya maintindihan ang ibig sabihin ni Jace.Ganoon ba talaga ang tinatawag nilang pag‑aalala ng isang kuya?Pakiramdam kasi niya ay naiiba iyon sa ipinapakita ni Kian, ngunit hindi rin naman niya maipaliwanag kung saan nanggagaling ang pagkakaiba na iyon.Iba lang talaga ang pakiramdam niya sa mga oras na iyon. Nang makita siyang nakakunot ang noo at tahimik pa rin, inakala ni Jace na nag‑aalala pa rin ito na lalo pang lalaki ang isyu.Nanliit ang kanyang mga mata.“Muntik ka nang mapahamak sa loob ng Science High. Hindi ito pwedeng p

MABILIS NA ipinarating ng tauhan ni Jace ang balitang nangyari sa eskwelahan nina Cailyn sa araw mismo ng paghuli kay Aina.Wala namang kibo si Jace, sa halip ay hinugot lamang niyaa ng cellpone na nasa bulsa at saka nagtipa ng numero ng police station. "Parusahan niyo ng malala." maikling sabi ng binata.Kaagad namang ipinasok sa kulungan si Aina habang naghihintay sa legal proceedings ng prosecutor. Hindi rin pumayag ang mga kapulisan sa kung sinuman ang nais dumalaw sa kanya. At kahit na mga local na mamamayan ng lungsod ang pamilya ni Aina ay average lang kung pag-uusapan ang tungkol sa pinansiyal. Maaga kasing nawala ang ama ni Aina kaya tanging ang ina na lamang niya ang kasama niya. At nang marinig ng ina nito ang tungkol sa nangyari sa eskwelahan nila ay bigla itong nawalan ng malay at saka isinugod sa ospital. Nang magising naman ay nalaman na lamang niya na nasa kulungan na ang kaniyang anak.Kaagad na kumilos ang ginang at saka desperadang naghanap ng koneksyon. Tinawagan

“Ano ba kasi talaga ang espesyal sa Fayra Avensa na 'yan?”Sa tingin ni Leana, hindi naman talaga ganoon ka-impressive si Fayra, e.Average lang ang grades nito. Average lang din ang itsura. Oo, galing ito sa isang pamilyang may kaya, pero hindi naman iyon sapat para masabi na kabilang sila sa tunay na elite. Oo, may alam si Fayra ng kaunti tungkol sa fashion at mahilig itong kumuha ng pictures. At dahil may connections ang pamilya nila kaya nagawa pa nitong makipag-lapit sa mga Silva. Kaya ngayong malapit na sila roon, kung umasta siya ay parang isa na siyang sikat na mayaman and magandang tagapagmana na kilala ng buong mundo.At iyon lang naman talaga ang specialty ni Fayra. Magaling siyang gumawa ng ingay. Magaling siyang magpa-picture. Magaling siyang magpasikat at gumawa ng pangalan sa siyudad. Pero kung pag-uusapan ang mga tunay na socialites sa buong manila ay hindi naman na nila kailangan pang gawin ang mga ganoong bagay.Hindi na nila kailangan pang humabol sa atensyon ng pub