All Chapters of Tempted By the Billionaire: Chapter 1 - Chapter 2

Kabanata 1: He doesn't smileHindi lahat ng umaga ay nagsisimula sa sikat ng araw. May mga umagang nagsisimula sa ulan... at sa isang pusong pagod nang lumaban.Malakas ang patak ng ulan sa bubong ng lumang apartment habang tahimik na naglalagay ng itlog sa kawali si Katerina Aurora Reyes. Halos mag-alas sais pa lamang ng umaga, ngunit gising na siya. Tulad ng nakasanayan, siya ang unang bumabangon. Sa maliit nilang kusina, amoy na amoy ang sinangag na may bawang at mainit na kape.Simpleng almusal pero sapat na para mabusog silang tatlong magkakapatid."Ate..."Napalingon siya nang marinig ang mahinang tinig ng nakababatang kapatid niyang si Nicole, isang labing-anim na taong gulang na senior high school student."Bakit ang aga mo po na naman?" tanong nito. Ngumiti si Katerina habang inilalapag ang almusal sa mesa. "Kailangan kong umalis nang maaga. May interview ako."Unti-unting lumiwanag ang mukha ng kapatid."Ito na ba yong sa Monteverde Empire?"Tumango siya. "Oo."Lumabas mula