May Anime Ba Batay Sa Isang Linggong Pag Ibig?

Sadyang mayroon nga talagang pag- ibig na minsa'y natatabunan ng isang hagupit ng alon—— along, mapangahas, along mapanglinlang,at isang along mapagkunwari.

Kakabalik lamang ni Camelia sa kanyang sariling bansa matapos manirahan sa ibang bansa nang maraming taon. Hindi pa man niya lubos na natatamasa ang kanyang pag-uwi, napilitan na siyang dumalo sa kaarawan ng kaibigang lubos niyang pinagkakatiwalaan. Ngunit ang gabing dapat sana'y puno ng saya ay nauwi sa isang bangungot. Siya mismo ay pinagtaksilan ng kanyang matalik na kaibigan at isinangkot sa isang bitag na nagdala kay Camelia sa silid ng isang estrangherong lalaki. Samantala, dumating si Morgan sa hotel na iyon na may iisang layunin—ang unang beses na makatagpo ang kanyang unang pag-ibig, isang taong matagal na niyang minahal mula sa malayo. Sa kasamaang-palad, dahil sa isang pagkakamali, napasok niya ang maling silid. Pinagtagpo sila ng tadhana sa isang sitwasyong hindi nila kailanman inaasahan. Laking gulat ni Morgan nang matuklasan niyang ang babaeng nasa kanyang harapan ay si Camelia—ang kanyang pinakamalaking kaaway noong sila'y nasa hayskul, ang babaeng palaging nagdudulot ng kaguluhan sa kanyang buhay. Isang gabing puno ng hindi pagkakaunawaan ang nagbigkis sa dalawang taong matagal nang nagkakapootan. Habang unti-unting nabubunyag ang mga lihim, pagtataksil, at damdaming matagal nang ibinaon sa puso, mananatili ba silang magkaaway... o tuluyan silang mahuhulog sa pag-ibig?

“Kahit sabay pa tayong nangako sa altar, wala kang aasahan sa’kin. I’m not going to be the husband you want.” Ang mga salitang ito mula kay Luigi Ibarra ay parang kutsilyong tumagos sa puso ni Nami Santiago—isang mayaman ngunit nerdy na babae na matagal nang may lihim na paghanga kay Luigi. Si Luigi, ang pinakasikat na aktor sa bansa, ay napilitang magpakasal kay Nami upang mapanatili ang legacy ng kanyang pamilya. Ngunit kahit kailan, wala itong patak ng pagmamahal para sa kanya. She was the complete opposite of his type, and she knew it. Pero masyado lang talaga siyang martir. Hanggang isang gabi, nagbago ang lahat. Nahuli niyang may ibang babae si Luigi—ang ka-love team nitong si Sasha Alvarez. Sa puntong iyon, tuluyan na niyang binitawan si Luigi. Pero kasabay ng kanyang paglayo ay natuklasan niyang nagdadalang-tao siya. Four years have passed, at nabaliktad ang sitwasyon. Si Luigi na ngayon ang naghahabol nang malaman niyang may anak sila ni Nami. Will she choose to forgive him, or will she move on and choose Arren Corpuz, another famous actor who stood by her side when everything fell apart?

Sa mundong pinaghaharian ng kapangyarihan, pera, at mga lihim na matagal nang ibinaon sa nakaraan, isang kasunduan ang muling bubuhay sa mga sugat na hindi kailanman tuluyang naghilom. Si Cielo Arcega ay isang kilalang arkitekto at nag-iisang tagapagmana ng Arcega Group. Buong buhay niyang pinatunayan na kaya niyang magtagumpay nang hindi umaasa sa apelyido ng kanilang pamilya. Ngunit sa isang iglap, gumuho ang lahat ng plano niya nang ipagkasundo siya ng kanyang ama sa lalaking pinakaaayawan niya—si Aelion Voss. Matalino. Makapangyarihan. At imposibleng basahin. Bilang CEO ng pinakamalaking shipping empire sa bansa, sanay si Aelion na kontrolado ang lahat ng bagay sa paligid niya. Maliban kay Cielo. Ang dapat sana'y simpleng kasunduan sa negosyo ay unti-unting naging isang mapanganib na laro ng damdamin. Habang mas nakikilala nila ang isa't isa, natutuklasan nilang hindi lamang negosyo ang dahilan kung bakit sila pinagtagpo ng kanilang mga pamilya. May isang lihim na koneksyon sa pagitan ng kanilang mga magulang. Isang pagtataksil. Isang trahedya. At isang kasalanang naghintay ng maraming taon upang singilin sila. Habang pilit nilang nilalabanan ang damdaming hindi dapat umusbong, mas lalo silang hinihila ng tadhana palapit sa isa't isa. Ngunit paano kung ang mismong pagmamahalan nila ang bunga ng mga kasinungalingang sumira sa dalawang pamilya? Paano kung ang lalaking unti-unti mong minamahal ay bahagi ng nakaraan na matagal mo nang sinusubukang takasan? At paano kung ang tanging paraan upang maging masaya ay ang piliing mahalin ang taong hindi mo dapat mahalin? Sa pagitan ng galit, paghilom, obligasyon, kalayaan, at ng nakaraan at hinaharap, susubukin nina Cielo at Aelion kung sapat ba ang pag-ibig upang putulin ang siklong matagal nang bumihag sa kanilang mga pamilya. Dahil minsan, ang pinakamalaking trahedya ay hindi ang mawala ang taong mahal mo. Kundi ang matagpuan siya sa panahong hindi mo na dapat siyang mahalin.

Dalagita pa lamang ang maganda at matalinong si Helena Montenegro nang maulila siya sa mga magulang. Ganoon pa man, hindi siya pinabayaan ng abuela niya na si Doña Amanda. Itinaguyod siya nito ng buong pagmamahal. Itinuro nito sa kan'ya ang lahat ng aspeto sa buhay kaya naman naging matagumpay si Helena sa halos lahat ng larangan. Isa lang ang hindi niya nagawang pagtagumpayan. Ang usapin ng kan'yang puso, na nalinlang ng lalaking pinagtiwalaan niya. Iniwan siya nitong nagdadalangtao. Pero hindi papayag si Helena na malugmok siya sa kabiguan lalo at magiging dahilan iyon ng kamatayan ng lola niya. Humanap siya ng lalaking mananagot sa kalagayan niya. Kahit bayaran niya ito ng malaking halaga. At iyon ay si Markus Angeles. Isa sa kan'yang ordinaryong empleyado lamang. Si Markus na tinanggap ang alok ni Helena hindi dahil nasilaw siya sa kaginhawahang inalok nito kun'di dahil sa dahilang matagal niya nang minamahal ang babaeng amo. Nagsama sila sa iisang bubong. Hanggang isang araw, natuklasan ni Helena na umiibig na rin pala siya kay Markus lalo at natuklasan niya na hindi siya nagkamali ng pagpili rito. Ngunit hindi nila iyon mabibigyan ng katuparan. May bumalik at dumating na hadlang. Pilit na hahadlang sa kaligayahan nila ang unang pag-ibig ni Helena. At may nakahanda ring sumilo sa puso ni Markus. Sa huli, mananaig ang pag-ibig nila sa bawat isa. At iyon ang magsisilbi nilang kalasag laban sa mga hadlang na pilit pinaglalayo ang kanilang mga puso.

Kung may darating mang lalaki na mamahalin at tanggapin ang anak niya ay bakit hindi niya susubukang magmahal ulit? Ngunit pano kung ang sa pangalawa niyang mamahalin ay malayo pa sa langit na kaya niyang maabot dahil ang isa sa magiging hadlang sa kanila ay ang karangyaan nito sa buhay. Ipagpatuloy niya bang mamahalin ang lalaki at tatanggapin ang mga sasabihin ng iba kahit hindi maganda? Kaya ba siyang ipaglaban ng lalaki katulad ng ginagawa niya? This story tackles about trusting and loving. About giving chances to the person who wants to enter your life because you might not know, that person is really meant for you.