MARIING KINAGAT NA ni Daviana ang labi niya upang supilin ang sarili na pagtawanan at asarin ang kanyang kaibigan. Gusto pa sanang patagalin iyon ng dalaga kaso ay nahiya na siyang maubos ang load ni Darrell kapag ginawa. Nakikitawag na nga lang siya puro wala pang katuturan ang ginawa niya. May hiya pa naman siya sa katawan niya.
“Anelie, kalma. Ako lang ito.”
Natamik ng ilang segundo ang kaibigan sa kabilang linya. Marahil ay nagtataka na kung bakit siya ang kausap niya.
“Daviana? Bakit? Magkasama kayo ngayon ni Darrell?”
Sinasabi na nga ba niya, malamang nag-o-overthink na ang kanyang kaibigan kung bakit nasa kanya ang cellphone.
“Hindi. I mean, oo. Nakita ko siya dito sa mall. Nakitawag lang ako sa kanya. Naiwan ko kasi sa bahay ang cellphone ko at—”
“OMG! Lumayas ka ba sa inyo?” hula nitong alam na alam na ang timbre ng kanyang boses kapag may problema, “Bakit? Anong nangyari?”
“Nagkasagutan kami ni Daddy. Nahihiya akong humiram ng pera kay Darrell. Maaari mo bang bigyan muna a
