Parehong tahimik sa biyahe sina Daecon at Zoe hanggang sa makarating sila sa Lightfoot Park kung saan unang dinala ng alpha ng Frostwood ang babae nang una itong umapak sa Central, Midland.
Maagang umalis sa headquarter ng CAU si Daecon kanina para makapag-isip nang mabuti. Nabigla siya sa mga sinabi ni Bianca kagabi at sa nakita niyang galit nito pero mas hindi niya kinayang makita ang mga luha nitong walang tigil sa pagpatak habang sinusumbatan siya. Mga luhang tila patalim na deritsong bumabaon sa puso niya. Iyon ang unang pagkakataong nakita niya si Bianca na ganoon. At, iyon ay dahil sa kanya.
Tama si Caelan. He can't keep both. Kailangan niyang pakawalan ang isa.
Tahimik pa ring sabay na bumaba ng sasakyan sina Daecon at Zoe. Naglakad silang dalawa hanggang sa lugar kung saan nila masayang pinalipas ang ilang oras kahapon bago tumuloy sa HQ—ang kahapong napakasayang sandali na napalitan ng nakakamatay na oras sa pagitan
