“C-CK? H-Hija, anong…?”
Iniangat ko ang aking tingin kay Ate Lorie habang nakahawak pa rin ako sa barandilya ng kanilang maliit na gate.
Sa totoo lang… wala akong ibang mapupuntahan at sa tingin ko ay bahay lang nila ang malapit at ito lang ang kinaya kong lakarin.
Malayo kung pupunta ako sa amin, wala naman akong planong umuwi sa bahay namin ni Lionel, at… wala rin akong dalang pera para matulog sa hotel.
“P-Pasok ka, hija. Bakit naman basang basa kang bata ka? Ano ba namang–!” Hindi na niya naituloy ang sasabihin nang unti-unting tumulo ang luha sa aking pisngi. Sa palagay ko ay napansin niya rin iyon. “A-Anong nangyari?”
Rinig ko ang pag-aalala sa boses niya pe
