Kaagad akong nagpasundo sa bahay. Hindi ako papayag na gawin nila iyon sa akin! Ikukulong nila ako sa kasal. Maaaring… buntisin ako para lang masiguradong hindi ako makawala sa kanila.
O mas tamang sabihin na para hindi makawala ang pera mula sa kanila.
Hindi ako makapaniwalang kaya nilang umabot sa ganoon. Hindi ko tuloy alam kung… dapat pa ba naming ituloy ang kalokohang ito.
“Charlotte, sweetie!” Napatigil ako sa paglalaro sa aking singsing nang marinig ko ang tawag ni Mommy mula sa labas ng kwarto.
Kaagad kong isinuot ang wedding at engagement ring na nilalaro ko bago naupo nang maayos. “P-Pasok po!”
Nang bumukas ang pinto, kasabay noon ang pagkanta ni Mommy at Daddy ng birthday song
