Chapter 17

“Rest and sleep. I’ll warm you until the doctor comes.”

Hindi ko maalala kung gaano katagal siyang nanatili sa aking tabi. Pero pagkagising ko, tanging ang doktor na lang ang sumusuri sa akin at wala nang ibang taong naroon sa loob. Hindi ko alam kung talaga bang niyakap niya ako sa buong pagtulog ko pero pakiramdam ko’y mas naging maayos ang pakiramdam ko kumpara kanina.

“Good evening, Mrs. Alicante. I’m glad that you’re already awake.” Napakurap ako. Hindi ko alam kung anong dapat kong itugon sa bati ng doktor sa akin. Kailanman ay hindi ako natawag na Misis Alicante kahit ng mga negosyante.

“Ano… m-magandang gabi rin,” sambit ko at bahagyang tumungo. Nang magbaba ako ng tingin, nagulat ako nang mapansing iba na ang suot kong damit. Sinong…