Abala si Hyacinth maglibot-libot sa isla matapos niyang suhulan ang mga tao para lang tantanan siya. Ang iba pa nga ay halong pagpagan ang tinatapakan niya kahit puro naman buhangin ang lupa nila dahil nasa tabing-dagat. Ang rason kasi ng mga ito ay nakakahiya naman sa supermodel na kagaya niya.
May iba pa nga na nagpresinta maging katulong kung kukuha raw siya kasi kahit hindi daw nila maranasan ang buhay ‘Heart Evangelista’ ay naranasan naman daw nila ang buhay ng mga katulong nito.
Nasa counter siya ng isang tindahan ng mga fresh juice at sumisimsim ng watermelon shake habang nakikipagchikahan sa babaeng kahera dito.
“So, bago pa lang siya?” Tanong niya rito na tinutukoy ay si Mara.
“Opo, eh. Siguro magdadalawang taon. Pagkarating nga niyan dito ang palabas niyan eh anak ng isang bilyonaryo na dolyares ang kwarta abroad, eh naku!” Gigil na saad ng babae na hindi na siya nag-abalang kunin ang pangalan.
Napataas naman ang kilay niya sa pa-suspense nito, “bakit?” Pang-uudyok ni Hya pa
