Dark Boss 1: The Glass Slippers

Lumaki ang magkapatid na Belladonna at Hyacinth Herrera sa isang pamilyang marangya. Ngunit hindi makatarungan at pantay ang pagpapalaki sa kanilang magkambal. Sabay man inilabas at dumilat sa mundo, mas pinaburan pa rin si Belle ng kanilang mga magulang. Si Hyacinth ay namuhay sa ilalim ng anino ng kanyang kapatid. Nakasanayan niya nang itanggi ng mga ito sa harap ng mga kakilala sa mga pagtitipong ginanaganap o dinadaluhan ng kanyang pamilya. Habang siya ay lumalaki, tumatatak sa kanyang murang isipan na ang pagmamahal at atensyon na hindi kayang ibigay sa kanya ng kanyang mga magulang ay makukuha niya sa ibang paraan at aspeto.

Siya ang kilala sa mga lugar na kung ituring ng kanyang mga magulang ay pugad ng mga demonyo at taliwas sa kanilang inaalagaang reputasyon. Natuto siyang manamit na sa mata ng kanyang mga magulang ay immoral na pamamaraan. Natuto rin siyang uminom at manigarilyo sa batang edad pa lamang. Wala siyang masandalan sa oras ng siya ay malungkot at nag-iisa. Ngunit talikuran man siya ng mundo ay may isang tao na lagi niyang mauuwian― si Thaddeus o mas kilala niya sa pangalang Addie. Ito ang kanyang kababatang lagi siyang inililigtas sa kapahamakang kanyang nasasangkutan simula ng sila ay mga musmos pa lamang.

Ngunit isang araw, nabalitaan na lamang niyang nasangkot sa isang eskandalo ang kapatid niya at ang kaniyang kababatang si Addie. Umugong ang usap-usapan na nabuntis ng kanyang kababata ang kanyang kapatid dahil sa ilalim ng ipinagbabawal na gamot. Nalaman niya na pinaglaruan lamang ng kanyang kababata ang kaniyang kapatid at ito ay hindi handang panagutan ang batang nasa sinapupunan nito. Dahil sa hindi matawarang eskandalo na ginawa ng kanyang kakambal, naisipan ng kanilang mga magulang na paghiwalayin ang mga ito at ipakasal ang kaniyang kapatid sa isang mayaman at premyadong pamilya.

Hindi niya masisi ang kaniyang kapatid ng umamin itong may nararamdaman sa lalaking nakasiping. Sa isipang masasaktan ang kaniyang kapatid ay siya na mismo ang nagplano ng lahat. Upang makatakas ito sa sitwasyon, siya ang pumalit rito sa araw mismo ng kasal nito na ni-anino ng groom ay walang nagparamdam. Naging pabor naman ito sa kanya at bilang ganti ay nangako siyang magiging mabuting maybahay dito. Limang taon ang lumipas at pinansyal na pangangailangan niya lamang ang pinupunan nito. Nabuhay ang kanyang kuryusidad kung sino ba talaga ang kanyang pinakasalan. Iisa lamang ang naisip niyang paraan upang ito ay palabasin― ibalalik niya ang dating Hyacinth Herrera na tila nalimot na ng panahon.

At para bang nakikipaglaro sa kanya ang tadhana nang magkrus na naman ang landas nila ng kababata na nagpahirap sa kaniyang kapatid. Nanaig ang kagustuhan niyang iganti ito sa lalaking nagpaiyak at nanakit rito. Dito na unti-unting nabuhay at nakulayan ang kanyang plano. Papalabasin niya ang kaniyang asawa sa pamamagitan ng lalaking ito.

Sa kasamaang-palad, hindi niya lamang naihanda ang kayang sarili ng manaig na ang init ng sensasyon sa kanyang kaibuturan. Napunan nito ang pangangailangan niya bilang babae. Napapasaya siya nito sa kama at nakakalimutan niya saglit ang mga problemang kinakaharap. Ngunit, ang hindi lamang niya alam ay ang mas marami pang problema na kakaharapin dahil sa kanyang kaimoralan. Makakaya kaya ng isang Hyacinth Herrera ang mga lihim na na itinatago ng kanyang kababata at asawa? Makalaya kaya siya sa gulo at apoy na kanyang sinimulan?

DISCLAIMER:

This is a work of arts. Names, characters, businesses, places, events, locales and incidents are either the products of the author's imagination and is used in a fictitious manner. Any resemblance to actual events and actual persons, living or dead is purely coincidental.

TRIGGER WARNING:

Contains explicit words and sexual scenes. Not recommended for readers under eighteen (18) years old. Read at your own risk.