Tisay POV
Hindi ko alam kung panaginip ba ‘to o bangungot.
Pagdilat ng mata ko, unang-una kong nakita ay ang ilaw mula sa cellphone ko. Nagvi-vibrate pa ‘yon, senyales na may mga sunod-sunod na notification. Wala pang limang segundo, nagdesisyon akong abutin ito kahit papungay-pungay pa ang mga mata ko. Pagkapindot ko ng lock screen, unang lumabas ang notip mula sa isang social media app—at ang pangalan ni Kaiser ang naka-tag sa akin.
Napakabilis ng tibok ng puso ko habang hinihintay mag-load ang app. Pagbukas ko nito, tumambad sa akin ang isang video.
Kami.
Ako at si Kaiser ang nasa video.
Ito ‘yung gabi na lasing kami. ‘Yung gabi na nililigawan niya ako. ‘Yung video na may halik pa siyang ginawa sa akin. Naka-post iyon at naka-publi pac. Naka-upload sa mismong account ni Kaiser. At hindi lang basta naka-upload, may caption pa talaga.
“Sana dati pa kita nakilala, Tisay.”
Literal na nanlaki ang mga mata ko. Hindi ako nakagalaw agad. Hindi ako makahinga. Hindi ko alam kung tatawa ako,
