Sa pinaka-mataong komersyal na kalye sa Laguna, magkahawak-kamay na naglalakad sina Anna at Esteban, nililibot ang bawat tindahan sa paligid. Habang masigla si Anna na namimili, tahimik lang si Esteban sa tabi niya, hindi bored, hindi naiirita, bagkus, masaya siya sa mga simpleng sandaling ito.
Alam niyang bihira na lang ang mga ganitong katahimikang araw para sa kanila. Kaya bawat minutong kapiling niya si Anna ay tila kayamanang kailangang ingatan.
Pagdating nila sa isang tindahan ng regalo, napansin ni Esteban na natigilan si Anna sa harap ng isang display window. May isang pares ng singsing na tila umagaw sa atensyon ng dalaga, ngunit imbes na ito ang banggitin, tinawag niya si Esteban at itinuro ang isang kwintas.
“Tingin mo maganda ‘to?” tanong ni Anna, pilit na iniiba ang atensyon.
“Maganda,” agad na sagot ni Esteban. Para sa kanya, kahit ano ang isuot ni Anna, lalong gaganda pa ito. Si Anna kasi mismo ang dekorasyon sa anumang alahas.
“Try ko lang, ha,” aniya, sabay sukat ng k
