[Apol]
Lahat nang sinabi niya…. Pinagsisisihan niya lahat. Habang pababa siya ng hagdan ay nanginginig ang tuhod niya. Pero wala na siyang magagawa dahil nasabi na niya at hindi na niya mababawe pa ang lahat ng lumabas sa bibig niya.
Pinahatid siya ni Mr. X nang gabing ‘yon nang mag isa dito sa isla. Kaya ngayon lang sila ulit nagkaharap. Aaminin niyang natatakot siya dahil alam niyang pwede siya nitong patahimikin habang buhay.
“Mrs. Helger, bakit parang nanlalalim ang mata mo? Hindi ka ba nakatulog nang maayos?” Kumuha si Karlo ng pagkain at nilagyan ang plato niya. “Tikman mo ‘to. Masarap ‘yan, siguradong magugustuhan mo ‘to.
Kumuha ng tubig si Lito at inabot sa kanya. “Oo nga, no. Nanlalalim ang mata mo. Para kang panda! Pero maganda ka parin naman, Mrs. Helger.”
Nagmamalaking inipit niya ang buhok sa likuran ng tenga. “Buti alam mo.” Dahil sa sinabi ni Miss Carol na maganda siya tumaas ang confidence niya.
Napahawak siya sa batok. Pakiramdam niya ay mayro’ng nakatingin sa kany
