Mga ewan talaga 'tong mga hampaslupa!—hiyaw ng utak niya.
Nagtagis ang bagang niya nang masdan ang dalawang tao sa harap; kina Venice at Benjamin aka Ben. Napakawalanghiya naman ng lalaking ito matapos nitong kuhanin ang pagkababae niya. Kahit pa isa ito sa mga nagligtas sa kanya, hindi niya makakalimutan ang ginawa nitong panloloko sa kanya.
"Hindi kita niloko, Maria."
Napamulagat siya dahil mukhang nabasa ng lalaki ang nilalaman ng utak niya.
"Kung nakakamatay lang ang titig mo, malamang bumulagta na'ko rito sa kinauupuan ko," pasigaw nitong saad na sumabay pa sa ingay ng motorboat. "Kailangan nating mag-usap para matapos na 'to. Hindi ako masamang tao kung 'yan ang isinasaksak ng Jacob na 'yon sa utak mo."
Papa'no nito nalaman kung sino si Jacob? Nahinatakutan siya dahil walang nakakaalam kung sino ang tumutulong sa kanya.
"What do you mean?" mataray niyang tanong kasabay ng pag-irap.
Kung pwede lang hilahin niya ang mahabang buhok ni Venice... kung pwede lang. Nangingipusp
