SARAP NA SARAP si Ambirelyn sa pagnguya sa nilagang saging habang nakaupo sa may upuan ng eroplano kung saan tanaw niya ang nag-gagandahang tanawin, lalo na ang ulap na kay ganda pagmasdan.
"Hmmm, ang sarap talaga, perfect combination talaga ang ang nilagang saging at taho, hindi talaga ako nagkamaling bilhin ito," tuwang-tuwang komento niya at nagbalat uli ng saging at dinala iyon sa kanyang bibig.
Nang mailunok na niya ang saging ay inabot niya ang taho na mainit-init pa, nakalagay sa tasa na may kalakihan. Sumimsim siya roon habang ang mga mata ay nasa umuusok na nilagang mais na siya mismo ang nagluto bago sila sumakay sa eroplano. Binaba na niya ang tasa at ngumisi at akmang aabutin ang mais na tila ba inaakit siyang abutin ngunit bago pa man umabot ang kanyang kamay sa naturang mais ay may tumampal na sa kamay niya kaya't napasimangot na tumingala siya para tignan kung sino ang may ari ng kamay.
"Ano naman ba problema mo at pinapakialaman mo na naman ang pagkain ko," angil niya
