Chapter 29: Paglilihi

HINDI maiwasan ni Ambirelyn napangiwi ng tumama ang sinag ng araw sa kanyang mukha at lalo ng imulat niya ang kanyang mata dahil damang-dama niyang mahapdi ang mga mata niya, marahil dahil nga hindi siya nakatulog ng maayos kagabi.

Dahan-dahan siyang bumangon mula sa paghiga ng bigla na lamang may kumatok, kumunot ang kanyang noo, kay aga-aga 'e may bibisita na agad sa kanya. Nakasimangot na tumayo siya at naglakad palapit sa pintuan upang buksan ang kung sino man ang nangahas na bisitahin siya umagang-umaga. Pagkabukas niya ng pintuan ay bumukad sa kanya ang nanlalaking mga mata ng mayordoma.

"Susmaryosep, 'neng, anong nangyari sa iyo?" gulat na tanong nito sa kanya.

Napakamot siya sa kanyang ulo sa naging reaksyon ng mayordoma. "Bakit po?"

Imbis na sumagot ay hinila siya nito papasok sa loob ng silid na inaakupahan niya at dinala siya sa loob ng banyo, walang imik na sumunod na lamang siya sa matanda. Wala siyang lakas para makipagtalo rito ng mga sandaling iyon.

"HOLY SHIT! SINO I