ALENA
Halos hindi ako umaalis sa tabi ng kabaong ng anak ko. Napakahirap tanggapin para sa isang Ina na makita mo na wala ng buhay ang iniingatan mong anak. Sa isang iglap nawala siya sa akin. Kasalanan ko ang lahat! Namatay siya sa mga kamay ko. Kung hindi sana ako nagpadala sa bugso ng damdamin noong gabing yun buhay pa sana ang pinakamamahal kong anak.
Halos wala na akong mailuha pa. Ayaw ko na din makipag-usap kahit kanino. Pakiramdam ko ako ang pinaka-malas na tao sa mundo. Dapat ako na lang ang namatay...
Bakit ang anak ko pa.. Napakabata niya pa. Wala siyang kasalanan para madamay sa gulo namin ni Justine. Hinding-hindi ko siya mapapatawad sa nangyari. Manloloko siya at dapat lang ay kamuhian ko siya.
Silang dalawa ni Valerie.. Niloko nila ako.. Namatay ang anak ko dahil sa kataksilan nila.
Napalingon ako ng may narinig akong malakas na komusyon. Naririnig ko ang galit na galit na boses ni Kuya Damon at Kuya William. Agad naman akong nilapitan ni Ate Anastasia.
"Nandito si Jus
