84
3RD POV
“Itaas mo ang iyong mga kamay!” Napakunot ang noo ni Dylan dahil sa maliit na boses na kanyang narinig.
Nang lingunin niya ito ay isang maliit na bata ang nasa likuran niya.
“Matigas talaga ang ulo mo ha!” Galit na wika nito habang binaril si Dylan sa water gun na kanyang dala.
“Damn it! Ibaba mo ‘yan!” Sigaw ni Dylan habang kinuha ang laruan na baril ng bata.
Malakas na umiyak ang bata, kaya mabilis na tinakpan niya ang bibig nito.
“Fvck! Sigaw niya ng mawala sa paningin niya si Anna.
“Saan ka ba galing ha?” Tanong niya sa Bata ng tumahan na ito sa pag-iyak. Hindi niya rin napigilan ang sarili niya na titigan ito, dahil para siyang may kakaibang nararamdaman sa bata.
“Bakit ayaw mo akong sagutin? At bakit nakakunot lang ‘yang noo mo?” Tanong niyang muli habang tahimik pa rin itong nakatitig sa kanya.
“Paano kita ma-ihahatid sa inyo kung ayaw mong magsalita?”
“Gusto ko laruan.” Napakunot ang noo ni Dylan dahil sa narinig niya, dahil iba ang sagot ng bata sa kanya.
