Hindi alam ni Francesca kung ano ang dapat niyang maramdaman. Nararapat ba siyang magsaya dahil sa wakas putol na ang koneksyon nilang dalawa ng senador, na ninong niya? Ngunit, bakit may kudlit na kung anong lungkot at panghihinayang sa puso niya? Hindi niya maipaliwanag.
Naalala niyang kailangan niya nga palang lumayo.
‘Si Javier, nasa mansion kaya siya?’ Bigla niyang naalala na working days nga pala at hindi pa weekend. ‘Maaring nasa office siya ngayon, o nasa meeting,’ bulong niya sa sarili.
“Kung gayon, maraming salamat,” saad niya sa lalaki matapos ilapag ang envelope sa kabilang seat.
Kaagad naman niyang isinara ang bintana ng kotse at nagpatuloy sa pagmamaneho. Napakagat-labi siya nang lingunin ang envelope na pinaglalagyan ng kapirasong papel na nagtatapos sa kanilang dalawa ng senador.
Mabilis niyang naiparada ang sasakyan sa garahe nang marating niya ang mansion ng dati niyang asawa. Nanlaki ang mata ni Delta nang makita siya at patakbo siyang sinalubong.
“Naku, Miss Fr
