Isang sulyap lamang sana ang gagawin ni Marco at aalis na nang muling maagaw ng kanyang atensyon ang paglitaw ng mga mensahe sa notification bar.
'Nahuli na ang dalawang lalaki at sila'y kasalukuyang nasa pangangalaga ng mga pulisya. Ang pagkakahulog ng props ay...'
Tanging iyon lamang ang mababasa sa screen dahil ang kabuuan mababasa lamang kapag in-unlock ang telepono ng babae. Hindi niya maaaring gawin iyon dahil bukod sa hindi niya ito pag-aari, mukhang mahalaga ang pinag-uusapan ng mga ito.
Hindi mahirap intindihin na ang tinutukoy ng nagpadala ng mensahe ay tungkol sa insidenteng naganap kahapon.
May inutusan itong mag-imbestiga sa pangyayari, ibig sabihin ay alam ng babae na hindi lamang isang aksidente ang nangyari at may hinala itong may sinuman ang nasa likod nito?
Kung ganoon, ang pagbubuwis ng buhay ni Lukas Buena, ang usap-usapan sa internet patungkol sa kanila, pawang aksidente nga ba ang mga kaganapang ito o sadya?
Walang alam si Marco sa mga iyon dahil wala
