Chapter 204
Pagkatapos ng buong araw na selebrasyon at pagbabasbas sa aming bagong tahanan, napagdesisyunan naming dito na rin matulog. Pakiramdam ko ay mas magiging espesyal ang unang gabing ito kasama ang pamilya.
Dahil medyo magulo pa ang bahay mula sa handaan, humiram muna kami ng mga kasambahay mula sa mansyon nila Mommy upang tumulong sa paglilinis. Sa susunod na linggo pa kasi darating ang mga kasambahay na kinuha namin sa agency, kaya malaking tulong ang may katuwang sa pagliligpit.
"Salamat talaga sa inyo," sabi ni Claire sa mga kasambahay habang inaayos nila ang sala. "Kung wala kayo, baka abutin pa kami ng madaling araw sa paglilinis."
"Naku, wala pong anuman, Ma’am Claire," sagot ng isa sa kanila. "Mas mabuti na pong maayos agad ang bahay para komportable kayong matulog mamaya."
Habang abala sila sa paglilinis, nilibot ko ang buong bahay upang siguraduhin na lahat ay maayos. Ang kambal naman, na sobrang excited sa bagong bahay, ay parang may sariling mundo habang tumatakbo
