“KUNG gano'n, ako ang piliin mo, Lalaine. Hiwalayan mo na siya at bumalik ka na sa'kin...”
Hindi makapagsalita si Keiko ng mga sandaling iyon. Kung ganoon lang sana kadali lahat...pero hindi. Hindi ganoon kadali dahil mayroon siyang Seiichi na nagmamahal sa kan'ya at nagtitiwala. Malaking pagkakamali na nagpadala siya sa bugso ng damdamin at pumayag na halikan siya nito kaya naman labis niyang pinagsisisihan iyon.
“L-Let's stop this nonsense, Knives. Aalis na ako,” sa halip at sagot ni Keiko saka astang tatalikod na subalit mahigpit siyang hinawakan ni Knives sa kanyang pulsuhan para pigilan.
“Nonsense? Tell me Lalaine, wala lang ba sa'yo ang halik na 'yon?” tanong ni Knives sa babae na may bahid ng galit ang tinig.
Mariing naikuyom ni Keiko ang kanyang kamao. Kilalang-kilala siya ni Knives kaya kahit magsinungaling pa siya ay alam niyang malalaman pa rin nitong hindi siya nagsasabi ng totoo.
“O-Oo, wala lang 'yon!” sagot ni Keiko kahit alam niyang kasinungalingan iyon. “Gusto ko lan
