PAGDATING sa hospital ay kaagad ipinahubad ng doktor ang suot na long sleeve ni Lalaine, at dahil tanging manipis na sando lang ay pang-ilalim niya kaya lumantad ang kanyang katawan puno ng galos at pasa. Maging sa leeg at mukha niya ay mayroon ding mga galos at kalmot na hindi maitago dahil bahagya na itong namamaga.
Madilim naman ang anyo ni Knives habang nakatingin sa mga ito. Hindi niya akalain na ganoon pala ang pinsala na tinamo ng babae mula aa kanyang pinsan at sa mga kasama nito.
Ang doktor na sumusuri kay Lalaine ay may edad na, na sa tingin niya ay naglalaro sa forty-five hanggang fifty years old. Nang makita nito ang itsura ni Lalaine ay kumunot ang noo nito saka nagtanong, “Sino ang may gawa nito sa'yo, hija?”
“May nakaalitan lang po ako, dok,” ani Lalaine habang muling isinusuot ang damit na hinubad.
Nang mapansin ng doktora na naroon si Knives at nakatayo na may madilim na mukha at seryosong anyo ay niyuko si Lalaine ng manggagamot at bumulong, “Ang lalaki bang ito ang
