NASA harapan ako ngayon ng salamin. Maya-maya din at baba na ako. Dahil ngayong gabing ito ang engagement party namin ni Brandon. Ewan ko ba. Dapat malungkot ako, dahil ikakasal ako sa lalaking hindi ko mahal.
Pero iba ang sinasabi ng puso ko. Sobrang nagagalak ang puso ko. Pero palaging kumukontra ang isip ko. Isang banayad na haplos ang naramdaman ko sa balikat ko.
"You're so beautiful. Akala ko hindi na darating ang araw na ito na ikasal tayo," sambit nito sa akin.
Nasa likuran ko ito at hinahaplos ang aking balikat, pababa sa aking braso. Dinadampian din nito ng halik ang aking balikat.
"Sino ba talaga ako sa buhay mo, Brandon?" tanong ko sa kanya.
Dahil iyan din ang paulit-ulit na tinatanong ko sa sarili ko. Sino ba ako sa buhay ni Brandon noong 'di pa ako naaksidente.
"Ikaw ang buhay ko," iyon lang ang sagot niya sa bawat tanong ko.
Hinalikan nito ang aking ulo. "Aantayin kita sa ibaba."
Umalis na ito. Tapos na ang make-up ko. Napa buntonghininga na lang ako. Tumayo ako ay pumun
