Sa paghakbang ni Apple sa maputing buhangin ng Batangas, tila may kung anong kurot sa kanyang dibdib. Hindi niya maipaliwanag, pero kakaiba ang kilos ni Lance. Simula pa kanina, habang lumilipad pa lang ang helicopter, hindi ito mapakali. Panay ang tingin sa relo, sa paligid, sa langit—parang may hinahanap.
“Magpopropose kaya siya sa akin?” bulong ni Apple sa sarili habang dahan-dahang tinutulungan si Amara na magtanggal ng sapatos.
Napatingin siya kay Lance, na noon ay may kausap sa staff ng resort sa di kalayuan. Hawak nito ang phone, pero halatang distracted.
Napakunot ang noo ni Apple. Lumapit siya kay Mia, na noon ay kunwaring busy sa pag-aayos ng sunblock sa loob ng bag.
“Bes,” malumanay niyang simula, “napapansin mo ba na parang may kakaiba kay Lance?”
Halos mabitawan ni Mia ang hawak na sunblock. Agad niyang inayos ang sarili, pinilit ngumiti.
“Ha? Wala naman,” sagot niya, pilit na kalmado ang tono. “Ano bang napansin mo?”
“Hindi ko maipaliwanag eh. Parang... aligaga siya. Hin
