CHAPTER 14
Maagang nagising si Alexandra. Ngayon na ang end of contract niya sa FIS. Nakakalungkot man pero kailangan niya na talagang umalis lalo pa at araw-araw lang din naman siyang masasaktan dahil sa mga nakikita niya sa paaralan.
Mula ng mag-usap sila ni Edrick ay hindi na talaga sila nagkikita pa.Umiiwas siya lagi. Kapag nasa FR ang lalaki ay nasa garden lang siya. Kapag nasa canteen naman ang dalawa ay hindi na siya tumutuloy pa.
Ngayon nga ay nasa FR na siya at nagliligpit ng mga gamit niya. Nasa tabi niya din ang mga kaibigang halata ang lungkot sa mukha.
"Lex, ayaw mo na talaga dito?" naiiyak na usisa ni Faye. Nginitian niya muna ito bago sumagot.
"Heto na naman tayo. Paulit-ulit na lang yang tanong niyo ha? Hindi lahat ng umaalis ay kailangan may paalam dahil hindi naman ito ang huling magkikita-kita tayo, diba?"
"Oo naman. Basta wag mo kaming kalilimutan ha?"
"Oo naman, pangako yan," nakangiting saad niya. Pilit niyang iwinawaksi ang lungkot sa kanyang sistema.
"Pwede ka
