Chapter 046
Nanlamig ang buong katawan ko habang unti-unting bumibigat ang banta sa paligid ko. Alam kong hindi basta pananakot lang ang ginagawa ni Cris—seryoso siya, at alam kong kaya niyang gawin ang kahit ano para lang hindi ako makatakas sa kanya.
Pinilit kong kalmahin ang sarili ko. Hindi ako pwedeng magpakita ng kahinaan, hindi ngayon. Kailangang gumamit ako ng utak. Kailangang makahanap ako ng paraan para makatakas—para mailigtas si Alexa.
Muling ngumiti si Cris, pero sa likod ng ngiting iyon ay ang lalaking kayang sirain ang buhay ko nang walang alinlangan.
"You should be grateful, wife. I'm giving you a chance to be with me again. Hindi ba't yan naman ang dapat mong gawin bilang asawa ko?" bulong niya, at lalo lang akong napalunok.
"Asawa?" Bahagya akong tumawa, puno ng pangungutya. "Wala kang asawa, Cris. Ang kasal natin ay wala nang bisa—at kahit kailan, hindi na ako babalik sa'yo."
Napawi ang ngiti niya, at sa unang pagkakataon, nakita ko ang bahagyang pamumula
